وبلىس كولەمىندە ساقتالعان قارۋ مەن ولاردىڭ وقتارىن تەكسەرۋ ءۇشىن 26 توپ قۇرىلدى. ولار قىزمەتتىك قارۋ قولداناتىن كۇزەت اگەنتتىكتەرىن, ينكاسساتسيا قىزمەتىن, فەلدەگەرلىك بايلانىس جانە «قازپوشتا» قىزمەتىن تەكسەرەدى.
ارنايى ماماندار ولارعا بەكىتىلگەن قىزمەتتىك قارۋ مەن وقتارىن ساقتاۋ جونىندە ءتۇسىندىرۋ جۇمىستارىن دا جۇرگىزدى.
– ءتورت كۇن ىشىندە ءتارتىپ ساقشىلارىمەن 170-تەن استام وبەكتىلەر تەكسەردى. قىزمەتتىك قارۋ مەن ونىڭ پاتروندارىن تۇگەندەۋ كەزىندە ولاردىڭ جەتىسپەۋى مەن ارتىق قالۋ فاكتىلەرى انىقتالعان جوق. ال قارۋ ساقتاۋ ءتارتىبىن بۇزعانى ءۇشىن 6 اكىمشىلىك حاتتاما تولتىرىلدى, – دەدى وبلىستىق پوليتسيا دەپارتامەنتىنىڭ باستىعى ساعات ماديەۆ.
ايتا كەتسەك, جەكە ۇيىمنىڭ كۇزەتشىسى كەزەكشىلىك كەزىندە قىزمەتتىك تاپانشانى ۇستەلدىڭ استىنا قويىپ قويعانى ءۇشىن اكىمشىلىك حاتتاما تولتىرىلىپ, 29مىڭ 170 تەڭگە ايىپپ ۇلى سالىندى. «قىزمەتتىك قارۋ» جەدەل الدىن الۋ ءىس-شاراسى 5 ناۋرىزعا دەيىن جالعاسادى.
شىعىس قازاقستان وبلىسى
