پرەزيدەنت • 26 اقپان، 2021

قاسىم-جومارت توقاەۆ تۇركيا پرەزيدەنتىنە قۇتتىقتاۋ جەدەلحاتىن جولدادى

896 رەت كورسەتىلدى

مەملەكەت باسشىسى قاسىم-جومارت توقاەۆ تۇركيا پرەزيدەنتى رەجەپ تايپ ەردوعاندى تۋعان كۇنىمەن قۇتتىقتاپ، تۇرىك حالقىنىڭ يگىلىگى جولىنداعى اسا جاۋاپتى مەملەكەتتىك قىزمەتىنە تابىس تىلەدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

– ءسىزدىڭ پارمەندى كوشباسشىلىعىڭىز بەن سارالى ساياساتىڭىزدىڭ ارقاسىندا تۇركيا ءوزىنىڭ تۇراقتى دامۋىن جالعاستىرىپ، ازاماتتارىنىڭ ىرىس-بەرەكەسىن ەسەلەۋدە، ىقپالدى ايماقتىق جانە حالىقارالىق اكتور رەتىندە مەرەيىن ۇستەم ەتۋدە مول تابىستارعا قول جەتكىزۋدە. وسى تۇستا، ەلىڭىزدىڭ تىڭ بەلەستەردى باعىندىرۋىنا باعىتتالعان ماڭىزدى باستامالارىڭىز بەن جوسپارلارىڭىزدىڭ لايىم وڭىنان شىعۋىنا تىلەكتەستىگىمدى بىلدىرەمىن، – دەلىنگەن جەدەلحاتتا.

قاسىم-جومارت توقاەۆ رەجەپ تايپ ەردوعاننىڭ ەكى ەل اراسىنداعى باۋىرلاستىق رۋحىنداعى ىنتىماقتاستىقتىڭ جىلدان-جىلعا وركەندەۋىنە، ستراتەگيالىق ارىپتەستىك اياسىنىڭ كەڭەيۋىنە قوسقان ۇلەسىن وتە جوعارى باعالادى.

– بيىك دەڭگەيدەگى مازمۇندى ديالوگ پەن ەكىجاقتى قارىم-قاتىناستاردى حالىقتارىمىزدىڭ يگىلىگى ءۇشىن نىعايتا تۇسۋگە دايىندىعىمدى قۋاتتاپ، مەملەكەتتەرىمىز مۇددەلىك تانىتاتىن كۇن تارتىبىندەگى وزەكتى ماسەلەلەردى تالقىلاۋ ماقساتىندا وزىڭىزبەن قازاقستاندا جۇزدەسەتىنىمە ءۇمىت ارتامىن، – دەپ جازىلعان قازاقستان پرەزيدەنتىنىڭ قۇتتىقتاۋىندا.

مەملەكەت باسشىسى تۇركيا پرەزيدەنتىنە قاجىماس قايرات، زور باقىت، ال تۇرىك حالقىنا باق-بەرەكە تىلەدى.

سوڭعى جاڭالىقتار

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار