قازاقستان سىرتقى ىستەر مينيسترلىگىنىڭ عيماراتىندا وتكەن سالتاناتقا سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ, اوسشك حاتشىلىعىنىڭ اتقارۋشى ديرەكتورى قايرات سارىباي, «HALYK» قايىرىمدىلىق قورىنىڭ ديرەكتورى ساعىنبەك شۋنكەەۆ, پالەستينا ەلشىسى مۋنتاسەر ابۋ زەيد, اۋعانستاننىڭ ۋاقىتشا سەنىمدى وكىلى ازيزۋلا ومار جانە يراكتىڭ ۋاقىتشا سەنىمدى وكىلى موحاممەد موحسين قاتىستى.
ءراسىم بارىسىندا ش.نۇرىشەۆ اوسشك-ءتىڭ «ەپيدەميالىق قاۋىپسىزدىك, قوعامدىق دەنساۋلىق ساقتاۋ جانە فارماتسەۆتيكا» جاڭا سەنىم شاراسى اياسىندا قازاقستان دوستىق مەملەكەتتەرگە گۋمانيتارلىق كومەك بولۋدە, بۇل حالىقارالىق قوعامداستىقتا ءوزارا قولداۋدىڭ ەرەكشە قاجەتتىلىگىن كورسەتەتىنىن اتاپ ءوتتى.
شەت ەلدەردىڭ ديپلوماتيالىق ميسسيالارىنىڭ باسشىلارى قيىن ۋاقىتتا قۇندى قولداۋ كورسەتكەنى ءۇشىن ريزاشىلىقتارىن ءبىلدىرىپ, اوسشك-ءتىڭ قوعامدىق دەنساۋلىقتى ساقتاۋ سالاسىنداعى سەنىم شارالارىن ودان ءارى دامىتۋدىڭ ماڭىزدىلىعىن اتاپ ءوتتى.
