وسىلايشا, ماسكتىڭ بايلىعى 13,6 ملرد دوللارعا ازايىپ, 176 ملرد دوللاردى قۇرادى. كاسىپكەر قازىر الەمنىڭ ەڭ داۋلەتتى ادامدارىنىڭ تىزىمىندە Amazon-نىڭ نەگىزىن قالاۋشى دجەفف بەزوستان كەيىن ەكىنشى ورىندا تۇر.
ماسك الەمنىڭ ەڭ باي ادامدارى تىزىمىندەگى ءبىرىنشى ورىننان ەكى كۇن بۇرىن, 23 اقپاندا ايىرىلدى. بۇل كۇنى Tesla اكتسيالارىنىڭ قۇنى 8,6 پايىز تومەندەپ, بيزنەسمەننىڭ داۋلەتى 15,2 ملرد دوللارعا ازايدى.
Bloomberg اگەنتتىگى بۇعان ماسكتىڭ بيتكوين باعاسى جايىندا بەرگەن تۇسىنىكتەمەسى سەبەپ بولۋى مۇمكىن ەكەنىن اتاپ وتكەن.
20 اقپان كۇنى Twitter پايدالانۋشىلارىنىڭ بىرىمەن حابار الماسۋ بارىسىندا ول بيتكوين كريپتوۆاليۋتاسى مەن ەفيريۋم باعالارىن جوعارى دەپ اتاعان ەدى. يلون ماسكتىڭ وسى ايتقانى كريپتوۆاليۋتانى قۇلاۋىنا اسەر ەتكەن بولۋى مۇمكىن», -دەگەن بولجام جاسايدى Bloomberg.
