ءبىر تاۋلىك ىشىندە قار قۇرساۋىندا قالعان 132 ادام قۇتقارىلدى

قوعام • 26 اقپان، 2021

ءبىر تاۋلىك ىشىندە قار قۇرساۋىندا قالعان 132 ادام قۇتقارىلدى

14 رەت كورسەتىلدى

تجم احۋالدىق ورتالىعىندا رەسپۋبليكالىق جەدەل شتاب جۇمىس ىتەيدى، وعان «قازاقاۆتوجول» جشس جانە «قازاۆتوجول»ۇك اق قىزمەتكەرلەرى كىردى. وسىنداي شتابتار اقمولا، قاراعاندى، سقو، قوستاناي، پاۆلودار، اتىراۋ وبلىستارى مەن نۇر-سۇلتان قالاسىندا جۇمىس ىستەيدى. بۇل تۋرالى كر تجم رەسمي وكىلى تالعات ءۋالي مالىمدەدى، دەپ حابارلايدى Egemen.kz.

Marzhan Tileubekova

قازىرگى ۋاقىتتا اۋا رايىنىڭ ناشارلاۋىنا بايلانىستى (بوران، قار، ناشار كورىنۋ، كوكتايعاق) رەسپۋبليكالىق ماڭىزى بار اۆتوجولداردىڭ 22 ۋچاسكەسى جانە 9 وڭىردە 32 وبلىستىق ماڭىزى بار ۋچاسكە جابىلدى، بۇل نۇر-سۇلتان قالاسى، اقمولا، الماتى، قاراعاندى، قوستاناي، پاۆلودار، سولتۇستىك قازاقستان، باتىس قازاقستان، تۇركىستان وبلىستارى.

بەكەتتەردە قوستاناي، پاۆلودار، قاراعاندى وبلىستارىندا بارلىعى 678 بىرلىك اۆتوكولىك جانە 1083 ادام تۇر.

جابىق جول ۋچاسكەلەرىندە حالىقتى ەۆاكۋاتسيالاۋ ءۇشىن 473 جىلىتۋ پۋنكتى دايىن. قازىرگى ۋاقىتتا قوستاناي، پاۆلودار، قاراعاندى وبلىستارىنىڭ جىلىتۋ پۋنكتتەرىندە 186 ادام ورنالاستىرىلدى.

نۇر-سۇلتان قالاسىندا، اقمولا، الماتى، شىعىس-قازاقستان، قوستاناي، پاۆلودار وبلىستارىندا تجم اۋماقتىق بولىمشەلەرىمەن 23 بىرلىك تەحنيكا شىعارىلىپ، 90 ادام قۇتقارىلدى جانە 42 ەۆاكۋاتسيالاندى.

شۇعىل جۇمىستارعا تجم، ءىىم، جول قىزمەتتەرى، جاو بارلىعى 892 ادام جانە 534 بىرلىك تەحنيكا جۇمىلدىرىلدى.

حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 38 سمس-حابارلامانى تاراتۋ جۇزەگە اسىرىلدى، «دارمەن» موبيلدىك قوسىمشاسى ارقىلى 42 حابارلاما جىبەرىلدى.

ۋاقىتىلى اقپاراتتىق-پسيحولوگيالىق كومەك كورسەتۋ ءۇشىن رەسپۋبليكالىق جەدەل شتابتا جانە وڭىرلەردە (نۇر-سۇلتان قالاسى، اقمولا، بقو، قوستاناي جانە سقو) «جەدەل بايلانىس جەلىسى» ىستەيدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز