ايماقتار • 26 اقپان، 2021

اكىم اقىنعا قۇرمەت كورسەتتى

149 رەت كورسەتىلدى

قازاقتىڭ كورنەكتى اقىنى، مەملەكەتتىك سىيلىقتىڭ لاۋرەاتى كۇلاش احمەتوۆانىڭ ۇيىنە جامبىل وبلىسىنىڭ اكىمى ارنايى باردى. اقىننىڭ جۋىردا عانا جارىق كورگەن بەس تومدىق شىعارمالار جيناعىنىڭ تۇساۋى كەسىلدى.

اقىن شاڭىراعىندا وتكەن شارا بارىسىندا بەردىبەك ساپارباەۆ كۇلاش احمەتوۆانىڭ قازاق ادەبيەتىندەگى ورنىنا توقتالىپ، ونىڭ پوەزياداعى ەلەۋلى ەڭبەگىن اتاپ ءوتتى. اكىم ءوز سوزىندە اقىننىڭ ءومىر جولى، ونەر جولى ارقاشان دا جاستارعا ۇلگى-ونەگە ەكەنىن جەتكىزدى. سونىمەن قاتار، اكىم اقىنعا قازاقتىڭ سالتى بويىنشا قۇرمەت كورسەتىپ، اكىمدىكتىڭ اتىنان سىي-سياپات جاسادى. اقىن دا اقىنىن ارداقتاعان اكىمگە ريزاشىلىعىن ءبىلدىردى. اتالعان شارانى تاراز قالالىق جامبىل-تاراز" گازەتىنىڭ باس رەداكتورى ەلميرا مىرزا-عالي جۇرگىزىپ وتىردى. سونداي-اق، ول اقىننىڭ "ايشا ءبيبى" اتتى ولەڭىن وقىپ بەردى. سونىمەن قاتار، جۇلدىز بەيسەك، نۇرجان قادىرالى، ارايلى جاقسىلىق سياقتى اۋليەاتالىق جاس اقىندار دا اقىنعا ارنالعان ولەڭدەرىن وقىدى.

ل

كۇلاش احمەتوۆا قازاق ولەڭىنە وزىندىك نازىك ۇنىمەن، كوركەم شىندىعىمەن كەلگەن اقىن. ءار جىلدارى اقىننىڭ ءتۇرلى پوەتيكالىق كىتاپتارى جارىق كورىپ، وقىرماننان لايىقتى باعاسىن العان. جارتى عاسىردان استام ۋاقىتتان بەرى جارى، اقىن قايىربەك اسانوۆ ەكەۋى قازاقتىڭ قارا ولەڭىنە قىزمەت ەتىپ كەلەدى. جۋىردا عانا باسپادان شىققان بەس تومدىق شىعارمالارى دا ۇلتتىڭ ولەڭ ونەرىنە قوسىلعان قۇندى دۇنيەلەر. كىتاپتا ءابدىلدا تاجىباەۆ، قادىر مىرزاليەۆ، ءابىش كەكىلباەۆ، نەسىپبەك ايت ۇلى جانە وزگە دە بەلگىلى قالامگەرلەردىڭ ماقالالارى جاريالانعان. ايتا كەتەيىك، اقىن كۇلاش احمەتوۆا بيىل 75 جاسقا تولادى.

سوڭعى جاڭالىقتار

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار