ايماقتار • 26 اقپان، 2021

الماتىلىق ستۋدەنتتىڭ عىلىمي جوباسى حالىقارالىق بايقاۋدا باعالاندى

17 رەت كورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتى تاريح جانە شەتەل تىلدەرى ينستيتۋتىنىڭ 1 كۋرس ماگيسترانتى ايسانا انارباي «Science and Technology» حالىقارالىق عىلىمي جوبالار بايقاۋىندا ەكىنشى ورىنعا يە بولدى، دەپ حابارلايدى وقۋ ورنىنىڭ ءباسپاسوز قىزمەتى.

«وقۋشىلارعا شەت تىلدەرىن مەڭگەرتۋدە اۋديو-ۆيدەو ماتەريالداردى قولدانۋدىڭ تيىمدىلىگى» تاقىرىبىنداعى جوبا بۇگىنگى كۇندە وتە وزەكتى. جوبا اۆتورىنىڭ ايتۋىنشا، عىلىمي جۇمىس مەكتەپ وقۋشىلارىنىڭ بىرنەشە ءتىلدى مەڭگەرۋدە اۋديو جانە ۆيدەو ماتەريالداردى قولدانۋدىڭ تيىمدىلىگىن ايقىندايدى.

– باستى ماقساتىمىز – وقۋشىلاردىڭ تىلدىك دايارلىعىن ارتتىرۋعا سەپتەسۋ. وسى  مىندەتتى ناقتى جۇزەگە اسىرۋ ءۇشىن پاندەميا جاعدايىندا ءتۇرلى مۋلتيمەديالىق قۇرالداردى قولدانا وتىرىپ، تىلدىك قۇزىرەتتىلىگىن دامىتۋدى نەگىزگى نازارعا الدىق، – دەيدى ايسانا انارباي.

جوبادا ۆيدەوفراگمەنتپەن جۇمىس ىستەۋ كەزىندە مۇعالىمنىڭ بارلىق وقۋشىلاردىڭ قىزىعۋشىلىعى مەن ىنتا-ىقىلاسىن ارتتىرۋ جولدارى قاراستىرىلعان. سونىمەن قاتار تىڭدالىم، ايتىلىم، وقىلىم جانە جازىلىم سياقتى كوممۋنيكاتيۆتىك قىزمەتتىڭ تۇرلەرى جان-جاقتى تۇسىندىرىلگەن.

جاس ىزدەنۋشىنىڭ عىلىمي جەتەكشىسى شەتەل تىلدەرىن وقىتۋ ادىستەمەسى كافەدراسىنىڭ مەڭگەرۋشىسى اقشايىم جالالوۆانىڭ پايىمداۋىنشا، اعىلشىن ءتىلى ساباقتارىندا اۋديو جانە ۆيدەو ماتەريالدارىن پايدالانۋ وقۋشىلاردىڭ ءتىلدى تەز مەڭگەرۋ قابىلەتىن دامىتىپ، ءبىلىم كوكجيەگىن كەڭەيتەدى.

ايتا كەتەيىك، حالىقارالىق بايقاۋدى اكادەميك ە.ا. بۋكەتوۆ اتىنداعى قاراعاندى ۋنيۆەرسيتەتى مەن تۇركيانىڭ اتاتۇرىك اتىنداعى ەرزۋرۋم ۋنيۆەرسيتەتى بىرلەسىپ ۇيىمداستىردى.

شارانىڭ باستى ماقساتى – جوعارى وقۋ ورىندارى اراسىنداعى كورپوراتيۆتىك بايلانىستار مەن اكادەميالىق كوللابوراتسيانى دامىتۋ، ءبىلىم الۋشىلاردىڭ عىلىمي قىزمەتتە جانە شەتتىلدىك دايارلىقتا ىنتاسىن ارتتىرۋ.

كونكۋرسقا ۇسىنىلعان جۇمىستار عىلىمي جاڭاشىلدىعى، ماتەريالدى بايانداۋدىڭ تولىقتىعى مەن لوگيكالىق رەتتىلىگى جانە الىنعان ناتيجەلەردىڭ پراكتيكالىق ماڭىزدىلىعى بويىنشا سارالانىپ، زەردەلەندى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار