ايماقتار • 26 اقپان، 2021

ازاماتتارعا ارنالعان ۇكىمەت ءوزىنىڭ كادرلار رەزەرۆىن جاساقتايدى

108 رەت كورسەتىلدى

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى ءادىل قوجىقوۆ فەيسبۋك پاراقشاسىندا حابارلادى. دارىندىلار پۋلىنا (كادر رەزەرۆىنە) قاتىسۋعا وتىنىشتەردى قابىلداۋ 2021 جىلعى 1 ناۋرىزدا باستالادى.

«مينيستر باعدات مۋسين ءوز پاراقشاسىندا كادرلىق رەزەرۆ تۋرالى ايتقان بولاتىن. ءبىز دارىندىلار پۋلىن – بولاشاقتا كاسىپقوي مامانداردان قۇرالعان مىقتى كوماندا جاساقتاۋدى جوسپارلاپ وتىرمىز. وعان تەك ءبىزدىڭ قىزمەتكەرلەر عانا ەمەس، كەز كەلگەن ازامات قاتىسىپ، ءوتىنىم بەرە الادى»، – دەپ جازدى ءادىل قوجىقوۆ.

جوباعا جوعارى ءبىلىمى جانە كەمىندە 5 جىل جۇمىس ءوتىلى بار تۇلعالار قاتىسا الادى. ۇمىتكەرلەر ءۇشىن عىلىمي دارەجەنىڭ بولۋى رەزەرۆكە الۋ بارىسىندا ارتىقشىلىق بولىپ ەسەپتەلەدى. تىركەۋ جانە ونلاين ىرىكتەۋ talent.gov4c.kz سايتىندا 1 ناۋرىزدان باستاپ جۇرگىزىلەدى.

جوباعا قاتىسۋشىلار ىرىكتەۋدىڭ ءۇش كەزەڭىنەن وتەدى. العاشقى ەكەۋىندە ۇمىتكەرلەر لوگيكالىق تەستىلەۋ مەن قر زاڭدارىنىڭ ءبىلىمى بويىنشا تەست تاپسىرادى. قورىتىندى كەزەڭدە مەملەكەتتىك جانە قوعام قايراتكەرلەرىنەن، HR ساراپشىلارىنان جانە مەملەكەتتىك كورپوراتسيانىڭ باسقارما مۇشەلەرىنەن تۇراتىن ساراپشى كەڭەسپەن اڭگىمەلەسۋ وتەدى. جوعارى بالل جيناعان جانە اڭگىمەلەسۋ كەزەڭىنەن وتكەن ۇمىتكەرلەر كەيىننەن ءتيىستى بوس لاۋازىمدارعا تاعايىنداۋ ماقساتىندا كادر رەزەرۆىنە الىنادى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار