ايماقتار • 26 اقپان، 2021

باتىس قازاقستاندا جول اپاتىنان 4 ادام قازا تاپتى

8 رەت كورسەتىلدى

26 اقپان كۇنى تۇنگى ساعات 3.00. شاماسىندا اتىراۋ-ورال تاسجولىنىڭ 259 شاقىرىمىندا قوس اۆتوكولىك ءتۇيىسىپ، 4 ادام قازا تاپتى. قالعان 6 ادام ءتۇرلى جاراقاتپەن تايپاق اۋىلدىق اۋرۋحاناسىنا جەتكىزىلگەن.

باتىس قازاقستان وبلىسىنىڭ اقجايىق اۋدانى اتامەكەن اۋىلىنان 10 شاقىرىم جەردە ەكى «تويوتا كامري» اۆتوكولىگى بەتپە بەت سوقتىعىسقان. وسىدان 4 كۇن بۇرىن 6 ادام قازا تاپقان جانتۇرشىگەرلىك جول اپاتى دا ءدال وسى جەردە بولعان ەدى.

سوڭعى كۇندەرى وڭىردە قاتتى بوران سوعىپ، اۋا رايىنىڭ ناشارلاۋىنا بايلانىستى اۆتوجولدار ءجيى جابىلدى. ماسەلەن «قازاۆتوجول» مەكەمەسىنىڭ وبلىستىق فيليالى 2021 جىلعى 26 اقپان كۇنى ءتۇن ورتاسىنان باستاپ رەسپۋبليكالىق ماڭىزى بار اتىراۋ-ورال جولىنىڭ 492-189 شاقىرىمى اراسىندا بارلىق اۆتوكولىك تۇرلەرىنە جولعا شىعۋعا بولمايتىنىن حابارلاعان ەدى. الايدا جول اپاتىنا تۇسكەن تاكسي جۇرگىزۋشىسىنىڭ ءبىرى پوليتسيا قىزمەتكەرلەرىنىڭ تالابىنا باعىنباي جولعا شىعىپ كەتكەنى بەلگىلى بولدى.

سونىمەن، وقيعا ورنىندا 4 ادام قازا تاپقان، ولار – قازتالوۆ اۋدانى بوستاندىق اۋىلىنىڭ تۇرعىنى، 33 جاسار ەر ادام، چاپاەۆ اۋىلىنىڭ تۇرعىنى 48 جاسار ەر ادام، پەتروپاۆل قالاسىنىڭ تۇرعىنى 38 جاسار ەر ادام، تاعى ءبىر ەر ادامنىڭ كىم ەكەندىگى انىقتالۋدا.

جاراقات العاندار: 35 جاستاعى ورال قالاسىنىڭ تۇرعىنى، ەر ادام ماڭداي سۇيەگى سىنعان. 52 جاسار ورالدىق ەر ادامنىڭ دا جاراقاتى ءدال وسىنداي، ماڭداي سۇيەگى سىنعان. 1987 جىلى تۋعان اتىراۋلىق جىگىتتىڭ قابىرعاسى سىنعان. ونىمەن قۇرداس ورالدىق جىگىتتىڭ بەتى سىدىرىلىپ جاراقاتتانعان. 1987 جىلى تۋعان تاعى ءبىر جىگىتتىڭ بەتىندە، كەۋدەسىندە سىرىلعان كوپتەگەن جاراقاتى بار. تاعى ءبىر 30 جاسار ورالدىق جىگىتتىڭ دە بەت-ءجۇزى ب ۇلىنگەن.

اتىراۋ-ورال تاس جولى بويىندا، اقجايىق اۋدانى اۋماعىندا سوڭعى بەس كۇن ىشىندە جول اپاتىنان 12 ادام قازا تاپتى. پوليتسيا وبلىس تۇرعىندارىن اسا قاجەتتىلىك بولماسا جولعا شىقپاۋعا، جۇرگىزۋشىلەردى جول ەرەجەسىن ساقتاپ، وتە اباي بولۋعا شاقىرۋدا.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار