ءبىلىم • 26 اقپان، 2021

شىعىس قازاقستاندا 2100 ورىندىق 3 مەكتەپ سالىنىپ جاتىر

9 رەت كورسەتىلدى

شىعىس قازاقستان وبلىسىندا 2100 ورىندىق 3 مەكتەپ سالىنىپ جاتىر، دەپ حابارلايدى Egemen.kz

بۇل تۋرالى شقو اكىمى دانيال احمەتوۆ حالىققا ەسەپ بەرۋ بارىسىندا ايتتى. ءبىلىم بەرۋ سالاسىندا وقۋشىلاردى قاشىقتان وقىتۋدى ۇيىمداستىرۋ ءۇشىن 2020 جىلى 34 مىڭ بىرلىك كومپيۋتەر ساتىپ الىنعان. وقۋشىلاردىڭ جالپى كونتينگەنتىنىڭ 90%-دان استامى ينتەرنەت جەلىسىنە قوسىلعان، بالالاردىڭ 6%-ى روۋتەرلەرمەن قامتاماسىز ەتىلگەن.

«وتكەن جىلى ءۇش اۋىسىمدى مەكتەپتەر ماسەلەسى شەشىلدى. اباي اۋدانىنىڭ قاراۋىل اۋىلىندا نازارباەۆ زياتكەرلىك مەكتەپتەرىنىڭ ستاندارتتارى بويىنشا جابدىقتالعان 300 ورىندىق، احمەر اۋىلىندا 1000 ورىندىق، تارباعاتاي اۋدانىنىڭ اقجار اۋىلىندا 300 ورىندىق ينتەرناتى بار 600 ورىندىق 3 جاڭا مەكتەپ اشىلدى»، دەدى ايماق باسشىسى.

ونىڭ ايتۋىنشا، وتكەن جىلى ءبىلىم بەرۋ نىساندارىن جوندەۋگە 11 ملرد تەڭگە باعىتتالعان. بۇل وتكەن جىلمەن سالىستىرعاندا 5 ەسە كوپ. جاڭا وقۋ جىلىنا قاراي ءاربىر ەكىنشى مەكتەپ جوندەلدى. وبلىستىڭ 320 مەكتەبىندە، 49 بالاباقشادا جانە 5 كوللەدجدە جوندەۋ جۇمىستارى جۇرگىزىلدى.

«قازىر ريددەردە 600 ورىندىق، سەمەي قالاسىنىڭ شىعىس كەنتىندە 1200 ورىندىق جانە سەمەيدەگى ستەپنوي كەنتىندە 300 ورىندىق 3 مەكتەپتىڭ قۇرىلىسى جۇرگىزىلۋدە»، دەدى دانيال احمەتوۆ.

سوڭعى جاڭالىقتار

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار