پارلامەنت • 26 اقپان، 2021

نۇرلان نىعماتۋلين: ءماجىلىس دەپۋتاتتارى تاۋار بەلگىلەرى تۋرالى حالىقارالىق كەلىسىمدى قارايدى

4 رەت كورسەتىلدى

بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى، دەپ حابارلايدى Egemen.kz.

بيۋرو وتىرىسىندا دەپۋتاتتار قاراۋىنا ەۋرازيالىق ەكونوميكالىق وداقتىڭ تاۋار جانە قىزمەت كورسەتۋ بەلگىلەرى جانە تاۋارلار شىعارىلعان جەرلەردىڭ اتاۋلارى تۋرالى شارتتى راتيفيكاتسيالاۋ تۋرالى زاڭ جوباسى ۇسىنىلدى.

شارتتىڭ ماقساتى تاۋار جانە قىزمەت كورسەتۋ بەلگىلەرىنە، تاۋار شىعارىلاتىن جەرلەردىڭ اتاۋلارىنا قاتىستى قۇقىقتاردى الۋدىڭ وڭىرلىك جۇيەسىن قۇرۋ.

سونىمەن قاتار، كۇن ءتارتىبىنىڭ جوباسىندا ەۋرازيالىق ەكونوميكالىق وداققا مۇشە مەملەكەتتەردىڭ تەمەكى ونىمدەرىنە اكتسيزدەر سالاسىنداعى سالىق ساياساتىن جۇرگىزۋ قاعيداتتارى تۋرالى كەلىسىمدى راتيفيكاتسيالاۋ تۋرالى زاڭ جوباسى بار. بۇل قۇجات تەمەكى ونىمدەرىنە اكتسيزدەردى كەزەڭ-كەزەڭمەن ۇيلەستىرۋدى كوزدەيدى.

سونداي-اق، الداعى جالپى وتىرىستا دەپۋتاتتار ميكروقارجىلىق جانە كوللەكتورلىق قىزمەتتى رەتتەۋ  ماسەلەلەرى بويىنشا تۇزەتۋلەردى ەكىنشى وقىلىمدا قارايتىن بولادى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار