قوعام • 26 اقپان، 2021

انا مەن بالانى الەۋمەتتىك قولداۋعا قانشا قاراجات باعىتتالدى؟

14 رەت كورسەتىلدى

بالالى وتباسىلاردى الەۋمەتتىك قولداۋ اياسىندا 2020 جىلدىڭ قاڭتار-جەلتوقسان ايلارىندا رەسپۋبليكالىق بيۋدجەتتەن، سونداي-اق مەملەكەتتىك الەۋمەتتىك ساقتاندىرۋ قورىنان (ماسق) جالپى سوماسى 635،3 ملرد تەڭگەگە مەملەكەتتىك قولداۋ كورسەتىلدى، دەپ حابارلايدى Egemen.kz

«وسىلايشا، 430،7 مىڭ ادام جالپى سوماسى 52،3 ملرد تەڭگەگە بالا تۋعاندا بەرىلەتىن بىرجولعى جاردەماقىنى الدى. بالا ءبىر جاسقا تولعانعا دەيىن ونىڭ كۇتىمى بويىنشا اي سايىنعى جاردەماقىنى 2020 جىلى ورتا ەسەپپەن 120،9 مىڭ ادام 31،7 ملرد تەڭگە سوماعا الدى. «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالارعا اي سايىنعى جاردەماقىمەن جالپى سوماسى 49،1 ملرد تەڭگەگە 232،3 مىڭ ايەل قامتىلدى»، دەلىنگەن ەڭبەك مينيسترلىگىنىڭ مالىمەتىندە.

4 جانە ودان دا كوپ كامەلەتكە تولماعان بالالارى بار كوپبالالى وتباسىلارعا بەرىلەتىن جاردەماقىنى 2020 جىلى جالپى سوماسى 236،2 ملرد تەڭگەگە 428 290 مىڭ وتباسى الدى. 2020 جىلى مۇگەدەكتىگى بار بالانى تاربيەلەپ وتىرعان ادامدارعا اي سايىنعى جاردەماقىنى 89،5 مىڭ ادام 49،6 ملرد تەڭگە سوماسىندا الدى.

«18 جاستان اسقان بالا كەزىنەن ءبىرىنشى توپتاعى مۇگەدەكتىڭ كۇتىمىنە بايلانىستى اي سايىنعى جاردەماقىنى 14،5 مىڭ ادام الدى، ولارعا 8 ملرد تەڭگە تولەندى. بولاشاق انا بالا تۋعا تولىق دايىن بولۋى ءۇشىن 2008 جىلدان باستاپ مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى بولىپ سانالاتىن جۇمىس ىستەيتىن ايەلدەرگە ماسق قاراجاتى ەسەبىنەن جۇكتىلىككە جانە بالا تۋعا بايلانىستى بىرجولعى تولەم جۇزەگە اسىرىلادى. 2020 جىلى ونى جالپى سوماسى 96،4 ملرد تەڭگەگە 203،1 مىڭ ادام الدى. بالا تۋعاننان كەيىن ماسق-تان 1 جاسقا دەيىنگى بالا كۇتىمى بويىنشا اي سايىنعى تولەمدەر جاسالادى. 2020 جىلدىڭ قورىتىندىسى بويىنشا ولاردى جالپى سوماسى 106،4 ملرد تەڭگەگە 501،6 مىڭ ادام الدى»،  دەپ اتالىپ وتكەن ۆەدومستۆو حابارلاماسىندا.

بۇدان باسقا، 2014 جىلدان باستاپ جۇمىس ىستەيتىن ايەلدەر ءۇشىن ولاردىڭ بالا كۇتىمى بويىنشا 1 جاسقا دەيىنگى دەمالىستا بولعان كەزەڭىندە مىندەتتى زەينەتاقى جارنالارىن سۋبسيديالاۋ ەنگىزىلدى.

2020 جىلى رەسپۋبليكالىق بيۋدجەتتەن ماسق-تان 1 جاسقا دەيىنگى بالانىڭ كۇتىمى بويىنشا الەۋمەتتىك تولەم الۋشى 87 275 ادامنىڭ جەكە زەينەتاقى شوتتارىنا 5،7 ملرد تەڭگە اۋدارىلدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار