قازاقستان • 26 اقپان، 2021

قىتايعا بارۋ ءۇشىن ۆيزا بەرۋ مۇمكىندىكتەرى تالقىلاندى

396 رەت كورسەتىلدى

بەينەكونفەرەنتسيا فورماتىندا قازاقستان مەن قىتاي اراسىنداعى كونسۋلدىق كونسۋلتاتسيالاردىڭ 19-شى وتىرىسى ءوتتى، دەپ حابارلايدى Egemen.kz

قازاقستاندىق دەلەگاتسياعا قازاقستان رەسپۋبليكاسىنىڭ كونسۋلدىق قىزمەت دەپارتامەنتىنىڭ ديرەكتورى باۋىرجان اقاتاەۆ، قىتاي دەلەگاتسياسىنا قىتاي حالىق رەسپۋبليكاسىنىڭ سىرتقى ىستەر مينيسترلىگى كونسۋلدىق دەپارتامەنتىنىڭ ديرەكتورى تسۋي ايمين توراعالىق ەتتى.

قر سىرتقى ىستەر مينيسترلىگىنەن ءمالىم ەتكەندەي، كەلىسسوزدەر بارىسىندا تاراپتار ەكى ەل ازاماتتارىنىڭ قۇقىقتارى مەن مۇددەلەرىن قورعاۋداعى ەكىجاقتى ىنتىماقتاستىقتىڭ وزەكتى كونسۋلدىق-قۇقىقتىق ماسەلەلەرىن جان-جاقتى تالقىلادى.

تاراپتار قازاقستان مەن قىتاي ازاماتتارىنىڭ ەكى ەلدىڭ حالىقارالىق اۋەجايلارىنا كىرۋى/شىعۋىنىڭ جانە ترانزيتپەن ءوتۋىنىڭ قولدانىستاعى ءتارتىبى تۋرالى وزەكتى اقپاراتپەن الماستى.

سونىمەن قاتار قازاقستان ازاماتتارىنا قىتايعا بارۋ ءۇشىن قحر جەكە تۋريستىك جانە ىسكەرلىك ۆيزالارىن بەرۋدى جالعاستىرۋ مۇمكىندىگى تالقىلاندى. كونسۋلتاتسيالار بارىسىندا قازاقستان تاراپى ۇلتى قازاق، ەكى مەملەكەتتىڭ ازاماتتارىنان قۇرالعان وتباسىلاردىڭ قايتا قوسىلۋ ماسەلەلەرىن كوتەردى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار