ايماقتار • 25 اقپان، 2021

قوستاناي وبلىسىندا جاستارعا 3 ملن تەڭگە باسپانا سەرتيفيكاتى بەرىلەدى

17 رەت كورسەتىلدى

بيىل قوستاناي وبلىسىندا جاس وتباسىلارعا قايتارىمسىز باسپانا سەرتيفيكاتتارى بەرىلە باستايدى. ءبىر سەرتيفيكاتتىڭ قۇنى -  3 ملن تەڭگە، دەپ حابارلايدى Egemen.kz.

«وڭىردە جاستاردى قولداۋدىڭ 2021-2025 جىلدارعا ارنالعان كەشەندى جوسپارى جۇزەگە اسىرىلا باستادى. جوسپارعا ەنگىزىلگەن كوپ مىندەتتىڭ ءبىرى – جاس وتباسىلاردى باسپانامەن قامتۋ تەتىكتەرىن وڭتايلاندىرۋ بولىپ تابىلادى»، - دەدى وبلىستىق جاستار ساياساتى باسقارماسى باسشىسىنىڭ م.ا. سايات شايمۇرىنوۆ.

اتالعان باسقارما، سونىمەن قاتار، «جاستار ءۇشىن قولجەتىمدى باسپانا» باعدارلاماسىن دا ازىرلەپ قويىپتى. بۇل باعدارلاما بويىنشا جاستار مەن جاس وتباسىلارعا باسپانا ساتىپ الۋ ءۇشىن كومەك رەتىندە مولشەرى 3 ملن تەڭگەگە دەيىن تۇرعىن ءۇي سەرتيفيكاتتارى بەرىلمەك. قارجى تۇرىندەگى الەۋمەتتىك كومەك جاس وتباسىلاردىڭ «وتباسى بانكتەگى» دەپوزيتتەرىنە باستاپقى جارنا رەتىندە سالىنادى. بۇگىندە قوستاناي وبلىسىندا 6 462 جاس تۇرعىن ءۇي كەزەگىندە تۇر. ولار باسپانا سەرتيفيكاتىنا جاس ەرلى-زايىپتىلاردىڭ نەشە جىل بىرگە تۇرىپ جاتقانىن، بالالارىنىڭ سانىن انىقتاۋ ارقىلى باعالاناتىن كونكۋرس ارقىلى عانا قول جەتكىزە الادى. بۇل كونكۋرستىڭ قالاي وتەتىنى قازىرشە بەلگىسىز. جاستار ساياساتى باسقارماسىنىڭ باسشىسى باعدارلامانى ىسكە قوسۋ ءۇشىن زاڭنامالىق اكتىلەرگە بىرقاتار وزگەرىستەر ەنگىزۋ كەرەكتىگىن ايتتى. قازىر باسقارما وسى باعىتتا جۇمىس ىستەپ جاتىر.    

«تۇزەتۋلەر ەنگىزىلە سالىسىمەن، ءبىز بىردەن جاستاردىڭ ءوتىنىشىن قابىلداۋدى باستايمىز»، - دەدى س.شامۇرىنوۆ.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار