«قازىر نۇر-سۇلتان مەن الماتىدا جەرگىلىكتى اتقارۋشى ورگانداردان جاستارعا ارنالعان تۇرعىن ءۇي باعدارلاماسىن اشۋ ۇسىنىستارى ءتۇسىپ جاتىر. بۇل باعدارلاما بويىنشا تۇرعىن ءۇي باعاسى – شامامەن 13 ملن تەڭگە. بۇل باعا قايدان شىقتى؟ بىرىنشىدەن, باعدارلاما قابىلدانعان كەزدە باستاپقى جانە قايتالاما نارىقتارداعى ءبىر بولمەلى پاتەردىڭ نارىقتىق باعاسى شارشى مەترىنە 280-320 مىڭ تەڭگە ارالىعىندا بولدى جانە ەسەپتەۋ كەزىندە وسىنداي سوما شىعارىلدى», دەدى جانسۇلتان ماتاي ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
سپيكەر وسى باعدارلاما بويىنشا ءبىر بولمەلى پاتەرگە اي سايىنعى يپوتەكالىق تولەم قانشا بولاتىنىن ايتىپ بەردى.
«ەگەر وسى باعدارلاما اياسىندا 13 ملن تەڭگەگە يپوتەكا راسىمدەلسە, اي سايىنعى تولەم شامامەن 101 مىڭ تەڭگە بولادى, باستاپقى جارنا 10% قۇرايدى. بۇل ەسەپتەۋلەر اي سايىن پاتەردى جالعا الۋعا ورتاشا ەسەپپەن 100 مىڭ تەڭگە جۇمسالاتىنىن ەسكەرە وتىرىپ جۇرگىزىلدى جانە يپوتەكانى راسىمدەۋ كەزىندە تولەمدەر سوماسى وسى شەكتەن اسپايتىن بولادى», دەپ ءتۇسىندىردى جانسۇلتان ماتاەۆ.
