تەلەحيكايا وقيعاسى تەلەارنادان كورىنىپ, اتاقتى بولۋدى ارماندايتىن كەيىپكەردىڭ باسىنان كەشكەندەرى بويىنشا ءوربيدى. بالالار ۇيىندە تاربيەلەنگەن باستى كەيىپكەردىڭ «تەلەديداردان كورىنسەم, اتا-انام مەنى تاۋىپ الادى» دەگەن ۇزىلمەس ءۇمىتى بار. ونىڭ ماقساتىنا جەتۋ جولىنداعى قادامدارى «تاڭشولپان» باعدارلاماسىنىڭ تىنىس-تىرشىلىگىن, ۇجىمىنىڭ جانكەشتى ەڭبەگىن كورسەتەدى.
«بۇل تەلەحيكايا باسقالاردان ءوزىنىڭ شىتىرمانعا تولى سيۋجەتتىك وقيعاسىمەن ەرەكشەلەنەدى دەپ تولىق ايتا الامىن. باستى كەيىپكەردىڭ ءوزىنىڭ ارمان-ماقساتى جولىنداعى ارەكەتتەرى, تاباندىلىعى كورەرمەنگە وي سالاتىنى انىق. جۋرناليستەردىڭ, ەكران سىرتىنداعى قىزمەتكەرلەردىڭ ەڭبەگىن كورسەتە الاتىن بىردەن-ءبىر تۋىندى. ەرەكشە ماحاببات وقيعاسى مەن وتباسى تاقىرىپتارى دا كورەرمەندى تولعانتپاي قويمايدى», - دەيدى تەلەحيكايا رەجيسسەرى تورەبەك بەيسەباەۆ.
«تاڭشولپان» - قازاقستاندىق كينەماتوگرافيا تاريحىنداعى تەلەباعدارلاماعا ارنالعان العاشقى وتاندىق سەريال. شىعارماشىلىق توپتىڭ ايتۋىنشا, كەيىپكەرلەر اراسىندا ناقتى پروتوتيپتەر جوق, دەسە دە, تولىقتاي تاڭعى باعدارلامانىڭ تابيعاتىن اشۋعا باعىتتالعان.
باستى كەيىپكەرلەردى سومدايتىن اكتەرلەر اراسىندا ايان وتەپبەرگەن, گۇلناز جولانوۆا, قۋانىش كەرىمقۇلوۆ, ايگەرىم ۇزەمباەۆا بار. 12 ءبولىمدى تەلەحيكايا «Qazaqstan» ۇلتتىق تەلەارناسىنان 25 اقپاننان باستاپ دۇيسەنبى-جۇما ارالىعىندا 21:30-دا ەفيرگە شىعادى.
