قوعام • 25 اقپان، 2021

قارت ادامداردىڭ ءومىر ءسۇرۋ ساپاسىن قالاي ارتتىرامىز؟

51 رەت كورسەتىلدى

ەۋروپا ەلدەرىندە قارتتاردىڭ ءومىر ءسۇرۋىن قاداعالاۋ، ولار ءۇشىن ءتۇرلى ۇيىرمەلەر مەن كلۋبتار اشۋ، سول ارقىلى زەينەت جاسىنداعى ازاماتتاردىڭ ءومىر سۇرۋگە دەگەن قۇلشىنىسىن جوعالتپاۋ جاقسى قولعا الىنعان ءارى كادىمگىدەي قاداعالانادى. بۇل ۇلكەندەردىڭ عۇمىر جاسىنىڭ ۇزاق بولۋىنا دا اسەر ەتەرى ءسوزسىز.

وسى ماقساتتا ەڭبەك جانە حالىقتى الەۋمەتتىك قورعاۋ مينيسترلىگى 2025 جىلعا دەيىنگى «بەلسەندى ۇزاق ءومىر ءسۇرۋ» ءىس-شارالار جوسپارىن بەكىتتى. قۇجات قر-نىڭ 2030 جىلعا دەيىنگى الەۋمەتتىك دامۋ تۇجىرىمداماسىن جانە Nur Otan پارتياسىنىڭ سايلاۋالدى باعدارلاماسىن ىسكە اسىرۋ شەڭبەرىندە ازىرلەنگەن. وندا الەۋمەتتىك ساياساتتىڭ باسىم باعىتتارىنىڭ ءبىرى – قارتتاردىڭ ءومىر ءسۇرۋ ساپاسىن جاقسارتۋ ەكەنى اتاپ كورسەتىلگەن.   

جالپى، جوسپاردا 9 باعىت بويىنشا ىسكە اسىرىلۋى كەرەك 36 ءىس-شارا بار: اعا بۋىن ازاماتتارىنىڭ قۇقىقتارى مەن قادىر-قاسيەتتەرىن ساقتالۋىن قامتاماسىز ەتۋ; ماتەريالدىق جاعدايدى جاقسارتۋ; اعا بۋىن ازاماتتارىنىڭ جۇمىسپەن قامتىلۋىن ارتتىرۋ; ەگدە ادامدارى بار وتباسىلاردى قولداۋ; دەنساۋلىق ساقتاۋ جۇيەسىن جەتىلدىرۋ; الەۋمەتتىك قىزمەت كورسەتۋ دەڭگەيىن ارتتىرۋ; بوس ۋاقىتتى ۇيىمداستىرۋ ءۇشىن جاعداي جاساۋ; قوعامدىق سانانى جاڭعىرتۋ; توتەنشە جاعداي كەزەڭىندە قارت ادامداردى قولداۋ.

وسىنىڭ ءبارى اعا بۋىن ازاماتتاردىڭ ءومىر ءسۇرۋ ساپاسىن، ءومىر ۇزاقتىعىن ارتتىرۋعا، الەۋمەتتىك جانە پسيحولوگيالىق سالاماتتىلىققا، الەۋمەتتىك ومىرگە تارتۋعا باعىتتالعان. ماسەلەن، «بوس ۋاقىتتى ۇيىمداستىرۋ ءۇشىن جاعداي جاساۋ» باعىتى اياسىندا ەلىمىزدىڭ بارلىق وڭىرلەرىندە بەلسەندى ۇزاق ءومىر ءسۇرۋ ورتالىقتارىن اشۋ، قارت ادامدار ءۇشىن مادەني-بۇقارالىق ءىس-شارالار وتكىزۋ، قارتتار كۇنىن مەرەكەلەۋگە ارنالعان ءىس-شارالار وتكىزۋ جوسپارلانعان.  

«ۇلتتىق جوسپاردى ازىرلەۋ كەزىندە ءمادريدتىڭ قارتايۋ ماسەلەلەرى جونىندەگى حالىقارالىق ءىس-قيمىل جوسپارىنىڭ ۇسىنىستارى ەسكەرىلدى. وندا قارت ادامداردىڭ تەك الەۋمەتتىك قامتاماسىز ەتىلۋىنە عانا ەمەس، سونىمەن قاتار زياتكەرلىك جانە وندىرىستىك تاجىريبە يەسى، قوعام دامۋىنىڭ بەلسەندى قاتىسۋشىلارى رەتىندە سۇرانىسقا يە بولۋىنا باعىتتالعان شارالار قاراستىرىلعان. بۇگىنگى تاڭدا قازاقستان بۇۇ انىقتاعان 7 پايىزدىق شەكتى ەڭسەرىپ، حالقى قارتايعان ەلدەرگە جاتقىزىلدى. ەلىمىزدىڭ 8 ايماعىنا قارتايۋ پروتسەسى ءتان» دەلىنگەن ۆەدومستۆو حابارلاماسىندا.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار