ەلوردا • 24 اقپان، 2021

ەلوردادا قىلمىس سانى 30%-عا ازايدى

3 رەت كورسەتىلدى

ەل استاناسى جىل وتكەن سايىن قارقىندى تۇردە كەڭەيىپ كەلەدى. مۇندا قاۋىپسىزدىكتى قامتاماسىز ەتۋ باسىم مىندەت. ال تسيفرلاندىرۋدا قاۋىپسىزدىك باعىتىنا نەگىزگى باسىمدىق بەرىلەدى. جولدارداعى قاۋىپسىزدىكتەن باسقا «قاۋىپسىز قالا» جوباسى ىسكە اسىرىلۋدا، دەپ حابارلايدى Egemen.kz.

جوبانى ىسكە اسىرۋدىڭ العاشقى قادامدارى «قاۋىپسىز اۋلا» پيلوتتىق جوباسى بولىپ سانالادى. جوبا اياسىندا ءتارتىپتى باقىلاۋ ءۇشىن كوپپاتەرلى اۋلالاردا بەينەباقىلاۋ كامەرالارىن ورناتۋ ىسىنە باسىمدىق بەرىلەدى. بەينەكامەرالار زاڭسىز ارەكەتتەردى انىقتاپ، الدىن الۋ ءۇشىن ۇزدىكسىز مونيتورينگ جۇرگىزەدى. بەينەباقىلاۋ كامەرالارىنىڭ نەگىزگى فۋنكتسيونالدىق مۇمكىندىكتەرى – بەينەتىركەۋ، دەرەكتەردى وڭدەۋدىڭ ينتەگراتسيالانعان جۇيەسى، سەنىمدى باعدارلامالىق قامتاماسىز ەتۋ. ولاردىڭ ءبارى ءتۇرلى جاعدايلاردا جۇيەنىڭ ءتيىمدى جۇمىسىن ۇيىمداستىرۋعا مۇمكىندىك بەرەدى.

جولدارداعى قاۋىپسىزدىك بويىنشا زياتكەرلىك كولىك جۇيەسى تولىعىمەن ەنگىزىلدى. سونىڭ ارقاسىندا ەلوردا جولدارى ەلىمىزدەگى ەڭ قاۋىپسىز جولداردىڭ بىرىنە اينالىپ وتىر.

ۇزدىكسىز مونيتورينگ جۇرگىزۋ ءۇشىن ارنايى جۇيەلەردى پايدالانۋ – ىشكى ءوزارا ءىس-قيمىلدى جاقسارتۋعا مۇمكىندىك بەردى. قازىردىڭ وزىندە جوبانىنىڭ وڭ اسەرى بايقالادى. ستاتيستيكا بويىنشا 2020 جىلى تىركەلگەن قىلمىستار سانى 30%-عا ازايدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار