كوروناۆيرۋس • 24 اقپان، 2021

65 جاستان اسقان ادامداردى ۆاكتسيناتسيالاۋعا رۇقسات بەرىلدى

25 رەت كورسەتىلدى

دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتارلىق دارىگەر ەرلان قياسوۆ 65 جاستان اسقان ادامداردى ۆاكتسيناتسيالاۋعا قاتىستى قابىلدانعان شەشىم جايىندا ايتتى، دەپ حابارلايدى Egemen.kz.

«شىلدە  ايىنا دەيىن قاراعاندى فارماتسەۆتيكالىق كەشەنىنىڭ ۆاكتسينانى ءوندىرۋ كولەمى 2 ملن دوزاعا دەيىن جەتكىزىلەدى. 65 جاستان اسقان ادامداردى ۆاكتسيناتسيالاۋعا قاتىستى ءوندىرۋشىنىڭ رەسمي اقپاراتىنىڭ نەگىزىندە مەديتسينالىق قارسى كورسەتىلىمدەرىن ەسكەرە وتىرىپ، وسى جاس ەرەكشەلىك ساناتىنداعى ادامداردى ۆاكتسيناتسيالاۋعا رۇقسات بەرۋ تۋرالى شەشىم قابىلداندى. مەن قر باس مەملەكەتتىك سانيتاريالىق دارىگەرىنىڭ ءتيىستى قاۋلىسىنا قول قويدىم»، دەدى ە. قياسوۆ.

بۇدان سوڭ ول كۆي ۆاكتسيناسىن ەنگىزۋگە قارسى كورسەتىلىمدەردى اتادى. ولار:

1) قۇرامىندا ۇقساس كومپونەنتتەرى بار ۆاكتسينانىڭ نەمەسە ۆاكتسينانىڭ قانداي دا ءبىر كومپونەنتىنە اسا جوعارى سەزىمتالدىق;

2) انامنەزدەگى اۋىر اللەرگيالىق رەاكتسيالار;

3) جۇكتىلىك جانە بالا ەمىزۋ كەزەڭى;

4) 18 جاسقا دەيىنگى جانە 65 جاستان اسقان ادامدار (تيىمدىلىگى مەن قاۋىپسىزدىگى تۋرالى دەرەكتەردىڭ بولماۋىنا بايلانىستى);

5) II كومپونەنتتى ەنگىزۋگە قارسى كورسەتىلىمدەر: ۆاكتسينانىڭ I كومپونەنتىن ەنگىزۋگە ۆاكتسينادان كەيىنگى اۋىر اسقىنۋلار (انافيلاكتيكالىق شوك، اۋىر گەنەراليزاتسيالانعان اللەرگيالىق رەاكتسيالار، قۇرىسۋ سيندرومى، 40°س تەمپەراتۋرا جانە ت.ب.).

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار