كوروناۆيرۋس • 24 اقپان، 2021

ەرلان قياسوۆ ۆاكتسيناتسيالاۋدان كەيىنگى قورعانىش اسەر جايىندا ايتتى

9 رەت كورسەتىلدى

دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتارلىق دارىگەر ەرلان قياسوۆ ەلدەگى ۆاكتسيناتسيالاۋدىڭ قالاي ءجۇرىپ جاتقانىن ايتىپ بەردى، دەپ حابارلايدى Egemen.kz

«كوروناۆيرۋستىق ينفەكتسياعا قارسى ۆاكتسيناتسيالاۋ جالعاسۋدا. بۇگىنگى كۇنى ءبىرىنشى كومپونەنتپەن 20 157 ادام ەگىلدى. 22 اقپاننان باستاپ ەكىنشى كومپونەنتپەن ەگۋ باستالدى، 2 137 ادام ەگىلدى، قولايسىز كورىنىستەر تىركەلگەن جوق. 25 اقپان مەن 4 ناۋرىز ارالىعىندا قاراعاندى فارماتسەۆتيكالىق كەشەنىنىڭ بازاسىندا وندىرىلگەن 90 مىڭ دوزا مولشەرىندەگى ۆاكتسينانىڭ ەكىنشى پارتياسىن جەتكىزۋ كۇتىلىپ وتىر. وسى ۆاكتسينامەن مەديتسينا قىزمەتكەرلەرىن ۆاكتسيناتسيالاۋ اياقتالعان سوڭ، پەداگوگتاردى ۆاكتسيناتسيالاۋدى باستاۋ جوسپارلانىپ وتىر»، دەدى ە. قياسوۆ.

ونىڭ ايتۋىنشا، ۆاكتسيناتسيالاۋ بارلىق وڭىرلەردە جۇرگىزىلەدى. ول ءۇشىن 786 ەگۋ پۋنكتى اشىلعان. 170-ءى قازىرگى ۋاقىتتا ەگۋ جۇمىستارىن جۇرگىزۋدە، بارلىعى سالقىنداتۋ تىزبەگىن قامتاماسىز ەتۋ ءۇشىن قاجەتتى جابدىقتارمەن قامتاماسىز ەتىلگەن. 9 مىڭنان استام مەديتسينا قىزمەتكەرى ارنايى وقىتىلعان-دى.

«ايتا كەتەتىن ءجايت، ۆاكتسيناتسيالاۋدان كەيىنگى قورعانىش اسەر، ياعني كوروناۆيرۋسقا قارسى انتيدەنەلەر دوزانى العاش قابىلداعاننان كەيىن 12-14 كۇننەن سوڭ باستالادى. تولىق يممۋنيتەتتى قامتاماسىز ەتۋ ءۇشىن 21 كۇندىك ارالىقپەن ەكى كومپونەنتتەن تۇراتىن ۆاكتسيناتسيانىڭ تولىق كۋرسىن الۋ قاجەت. ۆاكتسيناتسيالاۋ كۋرسى اياقتالعاننان كەيىن 1،5 ايدىڭ ىشىندە ورگانيزمنىڭ يممۋندىق رەاكتسياسى پايدا بولادى، سوندىقتان ۆاكتسينا قابىلداعان ادامدار پروفيلاكتيكالىق شارالاردى ساقتاۋى قاجەت»، دەدى ۆيتسە-مينيستر.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار