ايماقتار • 24 اقپان، 2021

پاۆلودار وبلىسىندا سۋ تاسقىنى كەزەڭىنە دايىندىق ءجۇرىپ جاتىر

9 رەت كورسەتىلدى

وبلىس اكىمدىگىندە توتەنشە جاعدايلار جونىندەگى كوميسسيا وتىرىسى ءوتىپ، وندا ءوڭىردىڭ كوكتەمگى سۋ تاسقىنىنا دايىندىعى تالقىلاندى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

وڭىرلىك تج دەپارتامەنتىنىڭ باستىعى ەرنۇر وتەگەنوۆ پاۆلودار وبلىسى بويىنشا قار جامىلعىسىنىڭ بيىكتىگى ورتا ەسەپپەن 22 سانتيمەتردى قۇرايتىنىن، بۇل وتكەن جىلمەن سالىستىرعاندا 23% - عا تومەن ەكەنىن اتاپ ءوتتى. بۇل رەتتە توپىراقتىڭ قاتۋى 2020 جىلعى كورسەتكىشتەردەن 11،4%-عا جوعارى - 122 سانتيمەترگە قاراعاندا 136. تەمپەراتۋرانىڭ كۇرت كوتەرىلگەن كەزدە ەرىگەن سۋ كولەمى ۇلعايىپ، اۆتوموبيل جولدارى ارقىلى اققان سۋ تومەنگى ۋچاسكەلەردى باسۋى مۇمكىن.

- ءبىز گيدرومەتەورولوگتارمەن جانە جەرگىلىكتى اتقارۋشى ورگاندارمەن بىرلەسىپ سۋ باسۋعا اسا بەيىم 15 ەلدى مەكەندى – باياناۋىل اۋدانىنداعى 8 ەلدى مەكەندى، اقتوعاي اۋدانى مەن ەكىباستۇزداعى 3 ەلدى مەكەندى، سونداي-اق اقسۋ قالاسىنداعى ءبىر ەلدى مەكەندى تەكسەردىك. دالا القاپتارىنداعى قار مولشەرى وتكەن جىلمەن سالىستىرعاندا از، الايدا قاتتى جەلدىڭ سالدارىنان بارلىق قار ەلدى مەكەندەرگە، اۆتوموبيل جولدارىنىڭ بويىنا جانە اششىسۋ وزەنىنىڭ ارناسىندا بايقالادى. سوندىقتان ەلدى مەكەندەردەگى، اسىرەسە سۋ تاسقىنى قاۋپى بار اۋماقتارداى ءبىرىنشى كەزەكتە قاردان تازالاۋ قاجەت، - دەپ حابارلادى ەرنۇر وتەگەنوۆ.

جولداعى قىزمەت ماماندارى قالقامان – باياناۋىل – ۇمىتكەر – ۋليانوۆسكي  تاس جولىنىڭ بىرنەشە ۋچاسكەسىندە سۋ تاسقىنىنا دايىندالىپ جاتىر. ادەتتە سۋ باسۋعا بەيىم جولدىڭ 101 شاقىرىمىندا وسى كۇنى وسى جىلدىڭ كۇزىندە پايدالانۋعا بەرىلۋى ءتيىس كوپىر قۇرىلىسىن ساقتاۋ ماڭىزدى. سونىمەن قاتار، مەردىگەرلەر اينالما جولدى نىعايتۋمەن اينالىسادى: اۋىر تەحنيكا تارتىلىپ، قوقىس تاس اكەلىندى، سۋ وتكىزۋ قۇبىرلارى توسەلدى.

سۋ تاسقىنىنا قارسى ءىس-شارالار جالاۋلى اۋىلى ورنالاسقان اقتوعاي-شولاقسور تاس جولىندا دا ءجۇرىپ جاتىر. وتكەن جىلى اۋىلدا ەرىگەن سۋدى جيناۋ ءۇشىن اۋدانى 4 مىڭ شارشى مەتر شۇڭقىر قازىلدى.

پاۆلوداردا دا قاردان تازارتۋ جۇمىستارى بەلسەندى جۇرگىزىلىپ جاتىر. بۇگىندە وبلىس ورتالىعىنان 448 مىڭ توننا قار شىعارىلدى. قالا اۋماعىندا سۋ باسۋ قاۋپى بار 61 ۋچاسكە باقىلاۋعا الىندى. وبلىس اكىمى قالا ماڭىنداعى اۋىلدارداعى جاعدايدى باقىلاۋ قاجەتتىگىن اتاپ ءوتتى.

كەڭەستە "كوكتەم" رەسپۋبليكالىق كوماندالىق-شتابتىق وقۋ-جاتتىعۋ قالاي وتەتىنى تۋرالى دا ايتىلدى. بيىلعى جىلى تج قىزمەتتەرى پراكتيكالىق جۇمىسقا – قار شىعارۋعا، سۋ وتكىزۋ قۇبىرلارىن تازارتۋعا، بوگەتتەردى نىعايتۋعا جانە ت.ب. كوڭىل اۋدارۋ ءۇشىن قۇرىلىستار مەن جاپپاي جيىنداردان باس تارتۋ تۋرالى شەشىم قابىلدادى. ءوڭىر باسشىسى جەرگىلىكتى اكىمدەردىڭ قۇتقارۋشىلارعا بارىنشا كومەك كورسەتۋىن تالاپ ەتىپ، سۋ باسۋ قاۋپى بار ايماققا كىرەتىن ەلدى مەكەندەردى بارلىق قاجەتتىلىكتەرمەن الدىن الا قامتاماسىز ەتۋدى تاپسىردى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار