ايماقتار • 24 اقپان، 2021

سەرۆيستىك اكىمدىك اۋىلدارعا دا جەتتى

34 رەت كورسەتىلدى

العا اۋدانى بەستاماق اۋىلدىق وكرۋگىندە «سەرۆيستىك اكىمدىكتىڭ» اشىلۋى ءوتتى. شاراعا وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ، اۋدان باسشىسى مامىرعالي اققاعازوۆ، وبلىستىق سىبايلاس جەمقورلىققا قارسى قىزمەت باسشىسى باۋىرجان بالعابەكوۆ پەن «اقتوبە-ادالدىق الاڭى» جوبالىق كەڭسەسى جانىنداعى قوعام بەلسەندىلەرى قاتىستى، دەپ حابارلايدى Egemen.kz.

العا اۋدانىنىڭ بەستاماق اۋىلدىق وكرۋگىندە 4 مىڭنان استام ازامات تۇرادى. بۇدان بىلاي اتالعان سەرۆيستىك اكىمدىك جەرگىلىكتى بيلىكتىڭ اشىقتىعىن، جاريالىلىعىن جانە تۇتىنۋشىعا باعدارلانۋىن قامتاماسىز ەتەتىن بولادى.   وسىلايشا اۋىلدىق جەردە «حالىق ۇنىنە قۇلاق اساتىن مەملەكەت» تۇجىرىمداماسى جۇزەگە اسىرىلۋدا.

سەرۆيستىك اكىمدىكتە بىرقاتار سۇرانىسقا يە مەملەكەتتىك قىزمەتتەر كورسەتىلەدى: «جەر ۋچاسكەسىن الۋ ءۇشىن كەزەككە قويۋ»، «جەر ۋچاسكەسىن جەكە مەنشىككە  اقىسىن بىردەن تولەپ نە ءبولىپ تولەۋ ارقىلى ساتۋ»، «ساۋدا-ساتتىق وتكىزۋدى تالاپ ەتپەيتىن مەملەكەت مەنشىگىندەگى جەر ۋچاسكەلەرىنە قۇقىقتار الۋ» جانە دە بىرقاتار الەۋمەتتىك، ءبىلىم بەرۋ سالاسىنداعى قىزمەتتەر دە بار.

سونىمەن قاتار، ازاماتتارعا قولايلى احۋال قالىپتاستىرۋ ماقساتىندا اقپاراتتىق ستەندتەر، بالالارعا ارنالعان ويىن الاڭى ۇيىمداستىرىلىپ، مەملەكەتتىك قىزمەتتەردى ءوز بەتىنشە الۋعا ارنالعان «connection point» وزىنە-ءوزى قىزمەت كورسەتۋ بۇرىشى جۇمىس ىستەۋدە.

ال ازاماتتاردىڭ ارىز-شاعىمدارىنا جەدەل ارەكەت ەتۋ ماقساتىندا عيماراتتا ۋچاسكەلىك پوليتسيا ينسپەكتورىنا ارنالعان بولمە قاراستىرىلعان.

جەمقورلىققا قارسى دەپارتامەنت باسشىسىنىڭ ءبىرىنشى ورىنباسارى عالىمبەك دوسانوۆتىڭ ايتۋى بويىنشا بەستاماق اكىمدىگى - وبلىسىمىزدا اۋىلدىق وكرۋگ دەڭگەيىندە اشىلعان ءۇشىنشى سەرۆيستىك اكىمدىك بولىپ تابىلادى.

«وبلىستاعى بارلىق اۋدان ورتالىقتارى مەن اقتوبە قالاسىندا بۇگىنگى كۇنى «سەرۆيستىك اكىمدىكتەر» اشىلىپ، تولىققاندى جۇمىس جاساۋدا. ازاماتتارعا قولايلى جاعداي قالىپتاستىرۋ باعىتىندا وبلىس اكىمدىگىمەن بىرلەسىپ، بارلىق ءىرى اۋىلدىق وكرۋگتەردە سەرۆيستىك اكىمدىكتەردى اشۋ جۇمىستارىن ودان ءارى جالعاستىرامىز»، - دەپ اتاپ ءوتتى باسشىنىڭ ءبىرىنشى ورىنباسارى.

وبلىس ورتالىعىنان كەلگەن دەلەگاتسيا كوۆوركينگ ورتالىعى جانىنداعى «پاراسات جولى» جوباسىنىڭ اشىلۋىنا دا قاتىستى. اتالعان ورتالىق اۋداندىق زيالى قاۋىم وكىلدەرىن بىرىكتىرىپ، تۇرعىندار اراسىندا سىبايلاس جەمقورلىققا قارسى مادەنيەت قالىپتاستىرۋ باعىتىندا جۇمىس جۇرگىزەتىن بولادى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار