ايماقتار • 24 اقپان، 2021

باتىس قازاقستاندا 1549 ابونەنت جارىقسىز قالدى

13 رەت كورسەتىلدى

اقپاننىڭ 23-24-ءى كۇندەرى باتىس قازاقستان وبلىسىندا قاتتى بوران سوعىپ، تۇرعىندارعا كوپتەگەن قولايسىزدىق كەلتىردى. بۇل كۇندەرى اسىرەسە توتەنشە جاعداي قىزمەتكەرلەرى تىنىم تاپپادى، دەپ حابارلايدى Egemen.kz

ۇيىتقىعان بوراننان 50 قادامنان ارعى جەر كورىنبەي، كۇننىڭ سۋىقتىعى مينۋس 27 گرادۋسقا جەتكەن. اۋا رايىنىڭ قولايسىزدىعىنا بايلانىستى وبلىس اۋماعىنداعى سامارا-شىمكەنت، اتىراۋ-ورال، پودستەپنوە-فەدەروۆكا-رف شەكاراسى، ورال-تاسقالا-رف شەكاراسى، چاپاەۆ-جالپاقتال-قازتالوۆ-رف شەكاراسى رەسپۋبليكالىق جولدارى، تاسقالا-اققۋراي-بولاشاق-رف شەكاراسى، ۇلكەن شاعان-پەرەمەتنوە، ورال-كيرسانوۆ وبلىستىق جولدارى جابىلدى. رەسپۋبليكالىق جولداردا جۇك جانە قوعامدىق كولىكتەردىڭ قوزعالىسىنا شەكتەۋ قويىلدى.

– وسى ءبىر تاۋلىكتەن ءسال اساتىن ۋاقىت ىشىندە ءبىزدىڭ قۇتقارۋشىلار 63 ادامدى قيىن جاعدايدان الىپ شىقتى، ونىڭ ىشىندە كامەلەتكە تولماعان 7 بالا بار، – دەيدى باتىس قازاقستان وبلىسى توتەنشە جاعدايلار دەپارتامەنتى باستىعىنىڭ ءبىرىنشى ورىنباسارى پودپولكوۆنيك ارمان توقانوۆ.

تاسقالا جانە اقجايىق اۋدانىنداعى جىلىتۋ بەكەتتەرىنە 16 جولاۋشى كەلىپ پانالاعان، ونىڭ ۇشەۋى – جاس بالا.

ساراتوۆ-ورال تاس جولىنىڭ بويىندا، تاسقالا اۋدانى، مەرەي اۋىلىنىڭ تۇسىندا جولدا قالعان ۆاز-2114 ماركىلى اۆتوكولىگىنەن 24 جاسار ازامات تۇنگى ساعات 3.30.-دا قۇتقارىلىپ، جىلىتۋ بەكەتىنە جەتكىزىلگەن. سول كۇنى تاڭەرتەڭ تاسقالا اۋدانى، بىرلىك اۋىلى تۇسىندا قالعان ميتسۋبيسي اۆتوكولىگىنەن دە ەكى ازاماتتى توتەنشەلىكتەر قۇتقارىپ، قاۋىپسىز جەرگە جەتكىزگەن. ال اقجايىق اۋدانى، كونەكەتكەن اۋىلىنىڭ تۇسىندا گازەل اۆتوكولىگىمەن دالادا قالعان ازاماتتى جەدەل-قۇتقارۋ جاساعىنىڭ №6 قۇتقارۋ بولىمشەسى قىزمەتكەرلەرى الىپ شىققان.

ارمان قۇمار ۇلىنىڭ ايتۋىنشا، قۇتقارۋ جۇمىستارىندا توتەنشەلىكتەردىڭ 31 قىزمەتكەرى، 13 كولىگى كەزەكشىلىكتە ءجۇر.

قاتتى جەل ەلەكتر جەلىلەرىنە دە نۇقسان كەلتىرىپ، وبلىستىڭ 5 اۋدانىندا كەيبىر ەلدىمەكەندەر، 1،5 مىڭنان اسا ءۇي جارىقسىز قالعان. سونىڭ ىشىندە بايتەرەك اۋدانى بويىنشا 900 ابونەنت، قازتالوۆ اۋدانىندا – 77، اقجايىقتا – 450، جاڭاقالادا – 96، تەرەكتى اۋدانىندا – 26 ابونەنت قىسقا تۇيىقتالۋ س ەبەبىنەن ەلەكتر قۋاتىنسىز قالعان ەكەن.

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار