بىرىككەن اراب امىرلىكتەرىندە جاڭا جىلعا قار ساتىلىپ جاتىر. بۇل تۋرالى Segodnya.ua حابارلادى.
جەرگىلىكتى بالالاردىڭ بارلىعى دەلىك اق ۇلپا قاردى ومىرلەرىندە كورمەگەن. ال قارسىز ولارعا مەرەكەلىك كوڭىل-كۇي سىيلاۋ تاعى قيىن. قىستا اۋا تەمپەراتۋراسى ارى بارعاندا +20 گرادۋستى قۇرايىن بۇل ەلدە جاساندى قارعا دەگەن سۇرانىس وتە جوعارى. جانە بۇل سۇرانىستى قاناعاتتاندىرۋ ماقساتىندا بەلسەندى جۇمىس جۇرگىزىپ كەلە جاتقان «Desert Snow» كومپانياسى كەز-كەلگەن ءۇيدىڭ اۋلاسىن قارمەن تولتىرىپ بەرۋگە دايىن. ولاردىڭ 40 قار شىعاراتىن قۇرىلعىسى, اققالالار مەن ءبىر ورمان سالۋعا جەتەتىن جاساندى شىرشالارى بار.
اۋلاداعى جەردىڭ 5 شارشى مەترىنە قار توسەتۋگە 1400 دوللار جۇمسالادى ەكەن. الايدا, كومپانيانىڭ وسى ايدىڭ وزىندە عانا 3,75 تونناعا جۋىق قار ساتىپ ۇلگەرگەنىن ەسكەرسەك, ءباا تۇرعىندارىنىڭ مۇنداي قىزىق ءۇشىن اقشا ايامايتىندارىن اڭعارۋعا بولادى.
ايدار ورىسباەۆ.
دەرەككوز: Segodnya.ua
فوتو: Rebenok.by
