جاقىن ارادا بانكتىك ءموبيلدى قوسىمشالار ارقىلى بارلىق اقشا اۋدارىمدارىنا سالىق سالىنادى دەگەن حابارلامالار قازاقستاندىقتاردىڭ الاڭداۋشىلىعىن تۋدىردى. بۇل تۋرالى تانىمال RasTime YouTube ارناسىنىڭ جۇرگىزۋشىسى مالىمدەدى.
ول جەكە تۇلعالارعا ارنالعان اقشا اۋدارىمدارىنا سالىق سالۋ جۇيەسىن ازىرلەۋگە شاقىرعان قر پرەمەر-ءمينيسترىنىڭ ءبىرىنشى ورىنباسارى ءاليحان سمايىلوۆتىڭ سوزىنە سۇيەنەدى.
روليك اۆتورىنىڭ ايتۋىنشا, سالىق اۋدارىم سوماسى مەن ماقساتىنا قاراماستان الىنادى. قارجى مينيسترلىگى بۇل اقپاراتتى جوققا شىعاردى.
ءاليحان سمايىلوۆتىڭ كاسىپكەرلەردىڭ قىزمەتىن نەمەسە ساتىلعان تاۋارلار ءۇشىن اقشا اۋدارىمدارىن سالىق سالۋمەن قامتۋ قاجەتتىگى تۋرالى ايتقانى راس. بۇل شارا تەك زاڭدى تۇلعالارعا عانا قاتىستى بولادى.
