اسقار ۇمبەتاليەۆ 1980 جىلى قىزىلوردا وبلىسىندا تۋعان. قازاق مەملەكەتتىك زاڭ ۋنيۆەرسيتەتىن, الماتى ەكونوميكا ۋنيۆەرسيتەتىن, لوندون ەكونوميكا جانە ساياسي ىلىم مەكتەبىن (تاعىلىمداما) بىتىرگەن. ماماندىعى بويىنشا بىلىكتىلىگى — قۇقىقتانۋ, قارجى باكالاۆرى.
ەڭبەك جولىن 1997 جىلى «كازيۋجBودستروي» اق-دا 4-رازريادتى مونتاجداۋشى بولىپ باستادى. 2003-2007 جىلدارى قارجى پوليتسياسى ورگاندارىندا قىزمەت ەتتى (ەكونوميكالىق جانە سىبايلاس جەمقورلىق قىلمىستارىنا قارسى كۇرەس دەپارتامەنتى).
2007 جىلدان 2009 جىل ارالىعىندا قر قارجى مينيسترلىگى سالىق كوميتەتىنىڭ اكتسيزدەردى اكىمشىلەندىرۋ باسقارماسىندا جۇمىس ىستەدى.
2009 جىلدان 2016 جىلعا دەيىن قر ادىلەت مينيسترلىگىنىڭ سوت ساراپتاماسى ورتالىعىندا باسشىلىق لاۋازىمدار اتقاردى.
2016 جىلعى شىلدە-جەلتوقسان ارالىعىندا «سق-فارماتسيا» جشس قۇقىقتىق قامتاماسىز ەتۋ ءبولىمىنىڭ باستىعى بولىپ جۇمىس ىستەدى.
2016 جىلدان 2020 جىلدىڭ شىلدەسى ارالىعىندا قر ادىلەت مينيسترلىگىنىڭ ساراپتاما قىزمەتىن ۇيىمداستىرۋ دەپارتامەنتىندە ءتۇرلى لاۋازىمداردا جۇمىس ىستەدى. 2020 جىلدىڭ شىلدەسىنەن جەلتوقسانى ارالىعىندا — قر ادىلەت مينيسترلىگىنىڭ سوت ساراپتامالارى ورتالىعىنىڭ ديرەكتورى.
2020 جىلعى جەلتوقساننان قازىرگى ۋاقىتقا دەيىن قر ادىلەت مينيسترلىگىنىڭ ىشكى اكىمشىلەندىرۋ دەپارتامەنتىنىڭ ديرەكتورى قىزمەتىن اتقاردى.
