كەزدەسۋ بارىسىندا ا.قۇسپان قازاقستان مەن گەرمانيا اراسىنداعى قارىم-قاتىناستار ساياسي جانە ەكونوميكالىق ءوزارا ءىس-قيمىلدىڭ بەرىك ىرگەتاسىنا نەگىزدەلگەنىن اتاپ ءوتتى.
سونداي-اق مەملەكەت باسشىسى ق.ك.توقاەۆتىڭ گەرمانياعا ساپارى جانە گەرمانيا فەدەراتيۆتىك رەسپۋبليكاسى باسشىلىعىمەن كەلىسسوزدەرى قالىپتاسقان سەنىمدى ديالوگتى جالعاستىرۋعا, تاياۋ جىلدارداعى ىنتىماقتاستىقتىڭ الەۋەتتى باعىتتارىن انىقتاۋعا مۇمكىندىك بەرگەنىن العا تارتتى.
دەپۋتاتتار قازاقستاندا ەۋروپالىق وداقتاعى ءبىزدىڭ نەگىزگى ارىپتەسىمىز - گەرمانيامەن ىنتىماقتاستىقتى دامىتۋعا ۇلكەن ءمان بەرىلگەنىنە, گەرمانيا قازاقستاننىڭ تاۋەلسىزدىگىن مويىنداعان جانە بىزبەن ديپلوماتيالىق قارىم-قاتىناس ورناتقان العاشقى ەلدەردىڭ ءبىرى ەكەنىنە توقتالدى.
ءىس-شارادا كوپپارتيالىلىق جۇيەدە دەپۋتاتتاردىڭ زاڭ شىعارۋ سالاسىندا تاجىريبە الماسۋىن جولعا قويۋ, فراكتسيالاردىڭ قىزمەتىن زەردەلەۋ, سونداي-اق قازاقستان مەن گەرمانيا اراسىنداعى ىنتىماقتاستىقتى ودان ءارى نىعايتۋ تۋرالى ايتىلدى.
