جيىن بارىسىندا جوو-دا قاعازباستىلىقتى ازايتۋ ماقساتىندا قانداي جۇمىستار جۇرگىزىلىپ جاتقانى ايتىلدى.
وسى ورايدا جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ: ء«بىز تۇلەكتەردىڭ جۇمىسقا ورنالاسۋىنا مونيتورينگ جۇرگىزەمىز. ساندىق كورسەتكىشتەن ساپالىق كورسەتكىشكە نازار اۋدارىلاتىن بولدى. اكادەميالىق ادالدىق مادەنيەتىن قالىپتاستىرۋ نورماسى ەنگىزىلدى», دەپ تولىقتىرىپ ءوتتى.
ادىلەت تويباەۆتىڭ ايتۋىنشا, جوعارعى وقۋ ورىندارى وقىتۋشىلاردى قاعازباستىلىقتان بوساتۋعا باسىمدىق بەرىپ جاتىر.
«بارلىعىن قوسقاندا 11 ەسەپ بەرۋ نىسانى الىنىپ تاستالدى. بيىل ۋنيۆەرسيتەتتەر العاش رەت وزدەرىنىڭ ديپلومدارىن شىعارادى. ءبىلىم بەرۋ باعدارلامالارىنىڭ ساپاسىن قامتاماسىز ەتۋ ءۇشىن ەمتيحان وتكىزىلىپ, ءتىزىلىم قۇرىلادى. وقىتۋ تيىمدىلىگى كورسەتكىشتەرىنىڭ ءبىرى – جۇمىسپەن قامتۋ كورسەتكىشى. ەلدەگى مەملەكەتتىك تاپسىرىس بويىنشا جۇمىسپەن قامتىلۋدىڭ جالپى دەڭگەيى 70,2% قۇرايدى», دەدى ادىلەت تويباەۆ.
