«بۇگىندە 41 اپاتتى سۋ قويماسىن قالپىنا كەلتىرۋ بويىنشا جۇمىس جالعاسۋدا. ونىڭ 11-ءى قالپىنا كەلتىرىلدى. سونىڭ ناتيجەسىندە 14 مىڭنان استام تۇرعىنى بار 15 ەلدى مەكەندە سۋ باسۋ قاۋپى جويىلدى. بيىل تاعى 10 سۋ قويماسىن قالپىنا كەلتىرۋ جوسپارلانۋدا. قالعان 20 سۋ قويماسىنا قاتىستى جۇمىستار الداعى 3 جىلدىڭ ىشىندە اياقتالادى. بۇگىندە وسى نىساندار سۋ جيناعىش رەتىندە ەمەس, سۋ وتكىزگىش رەتىندە قولدانىلىپ وتىرعاندىقتان, سۋ تاسقىنى كەزىندە قاۋىپ توندىرمەيتىندىگىن اتاپ وتكىم كەلەدى», دەدى ول.
ماعزۇم مىرزاعاليەۆتىڭ ايتۋىنشا, بيىل وزەندەردىڭ سۋلىلىعى قالىپتى دەڭگەيدە نە ودان تومەن دەپ كۇتىلىپ وتىر.
«رەسپۋبليكالىق مەنشىك نىساندارىنداعى سۋ شارۋاشىلىعىنىڭ جاعدايى مينيسترلىكتىڭ تۇراقتى باقىلاۋىندا. بۇل رەتتە, كوممۋنالدىق مەنشىكتەگى گيدروتەحنيكالىق قۇرىلىستاردىڭ جاي-كۇيىنە وبلىس اكىمدەرىنىڭ نازارىن اۋدارۋ قاجەت دەپ سانايمىز», دەدى ماعزۇم مىرزاعاليەۆ.
