استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى «قازاقستان عارىش ساپارى» ۇلتتىق كومپانياسى اق-تىڭ بۇرىنعى پرەزيدەنتى گاۆىللاتىپ مىرزاقۇلوۆقا قاتىستى قىلمىستىق ءىس بويىنشا باستى سوت تالقىلاۋىنىڭ وتەتىن كۇنىن بەلگىلەدى. سوت وتىرىسى 2013 جىلعى 28 جەلتوقساندا ساع.10.00-گە تاعايىندالدى.
استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى «قازاقستان عارىش ساپارى» ۇلتتىق كومپانياسى اق-تىڭ بۇرىنعى پرەزيدەنتى گاۆىللاتىپ مىرزاقۇلوۆقا قاتىستى قىلمىستىق ءىس بويىنشا باستى سوت تالقىلاۋىنىڭ وتەتىن كۇنىن بەلگىلەدى. سوت وتىرىسى 2013 جىلعى 28 جەلتوقساندا ساع.10.00-گە تاعايىندالدى.
گ.مىرزاقۇلوۆ قازاقستان رەسپۋبليكاسى قىلمىستىق كودەكسىنىڭ 311-بابىنىڭ 5-بولىگى (مەملەكەتتىك قىزمەتتەر اتقارۋعا ۋاكىلەتتى ادامنىڭ اسا ءىرى مولشەردە پارا الۋى) بويىنشا ايىپتالادى. وسى باپ بويىنشا جازالانۋشىنىڭ مۇلكى تاركىلەنىپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى. بۇدان باسقا, مىرزاقۇلوۆقا 193-باپتىڭ 3-بولىگىنىڭ «ۆ» تارماعى بويىنشا ايىپ تاعىلدى – «ءىرى مولشەردە الىنعان اقشا قاراجاتىن نەمەسە وزگە م ۇلىكتى زاڭداستىرۋ». مۇنداي ارەكەتتەر ءۇشىن قىلمىستىق كودەكستە مۇلكىن تاركىلەي وتىرىپ, جەتى جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
تاعى ءبىر سوتتالۋشى ەربول اسىلبەكوۆ قىلمىستىق كودەكستىڭ 313-بابىنىڭ 1-بولىگى (پاراقورلىققا دەلدال بولۋ) بويىنشا ايىپتالۋدا. وسى باپ ەكى جىلعا دەيىن باس بوستاندىعىنان ايىرۋ جازاسىن كوزدەيدى.
الدىن الا تىڭداۋ بارىسىندا سوتتالۋشى مىرزاقۇلوۆتىڭ ادۆوكاتى سوتقا بۇقارالىق اقپارات قۇرالدارىنىڭ قاتىسۋىنسىز جابىق سوت وتىرىسىن وتكىزۋ تۋرالى ءوتىنىش بەرگەن.
قىلمىستىق كودەكستىڭ 29-بابىنا سايكەس سوت پروتسەسى اشىق تۇردە وتكىزىلۋى ءتيىس بولعاندىقتان, سوت اتالمىش ءوتىنىشتى كەرى قايتاردى.
«ەگەمەن-اقپارات».
