ايماقتار • 22 اقپان، 2021

باتىس قازاقستاندا جول اپاتىنان التى ادام قازا تاپتى

4877 رەت كورسەتىلدى

اقپاننىڭ 22-ءسى كۇنى اتىراۋ-ورال تاسجولىنىڭ 259 شاقىرىمىندا، اتامەكەن جانە المالى اۋىلدارىنىڭ اراسىندا جانتۇرشىگەرلىك جول اپاتى بولدى.

باتىس قازاقستان وبلىستىق پوليتسيا دەپارتامەنتىنىڭ حابارلاۋىنشا، اقپاننىڭ 22-ءسى كۇنى 15.00. ساعات شاماسىندا تويوتا كاروللا جانە لادا پريورا ماركالى ەكى اۆتوكولىك بەتپە-بەت سوعىلىپ، التى ادام سول جەردە قازا تاپقان. جاراقات العان ءبىر ادام تايپاق اۋىلىنداعى اۋرۋحاناعا جەتكىزىلدى. جول اپاتىنىڭ سەبەپتەرى تەكسەرىلۋدە.

وبلىستىق توتەنشە جاعدايلار دەپاارتامەنتى ءباسپاسوز قىزمەتى قازا تاپقاندار – ەكى كولىكتىڭ جۇرگىزۋشىلەرى مەن «لادا پريورا» اۆتوكولىگىنىڭ 4 جولاۋشىسى ەكەنىن حابارلادى. ال «تويوتا كوروللا» اۆتوكولىگىنىڭ جولاۋشىسى ءتۇرلى جاراقاتتارمەن اۋرۋحاناعا جەتكىزىلدى. مارقۇمداردىڭ دەنەسىن مىجىلعان اۆتوكولىك ىشىنەن قۇتقارۋشىلار ارنايى قۇرالداردىڭ كومەگىمەن الىپ شىققان.

«وسى وقيعا بويىنشا سوتقا دەيىنگى تەرگەۋ جۇمىستارى باستالدى، قىلمىستىق ءىس اياسىندا ترانسپورتتىق جانە تراسسولوگيالىق ساراپتاما جاسالىپ، ءتيىستى شەشىم شىعارىلادى» دەيدى وبلىستىق پوليتسي دەپارتامەنتىنىڭ وكىلى بولاتبەك بەلگىبەكوۆ.،

جىل باسىنان بەرى باتىس قازاقستان وبلىسىندا 29 جول اپاتى بولىپ، 14 ادام قازا تاپقان، 61 ادام جاراقات العان.

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار