ايماقتار • 22 اقپان، 2021

جۇقپالى ىندەتتىڭ جاپپاي تارالۋى توقتادى ما؟

38 رەت كورسەتىلدى

جۇقپالى ىندەتتىڭ جاپپاي تارالۋى باسەڭدەگەنمەن، بوساڭسۋعا ءالى ەرتە. ويتكەنى، قاۋىپتى ۆيرۋستان زارداپ شەككەن ناۋقاستاردىڭ جاعدايى وڭىرلەردەگى الدىن الۋ مەن ساقتىق شاراسىنا نەمقۇرايلى قاراۋعا بولمايتىنىن كورسەتكەندەي، دەپ حابارلايدى Egemen.kz.

ماسەلەن، الماتى وبلىسىندا كوروناۆيرۋس ىندەتىنە شالدىققانداردىڭ جالپى سانى 9781 ادامعا جەتكەن ەكەن. ونىڭ ىشىندە 3976 ناۋقاستىڭ قاۋىپتى ۆيرۋستى تاسىمالداۋشى ەكەنى انىقتالعان. قۋانىشتىسى، دەر كەزىندە جاسالعان شارالار ىندەتتىڭ جاپپاي تارالۋىنا توسقاۋىل بولىپ، ناۋقاستاردىڭ ساۋىعىپ شىعۋىنا جاردەمىن تيگىزدى. وسى جەردە جەتىسۋلىق دارىگەرلەر مەن سانيتارلىق قاداعالاۋ قىزمەتىنىڭ ماماندارىنىڭ ەڭبەگىنە ەرەكشە ريزاشىلىق بىلدىرگەن ورىندى بولار ەدى.

قازىر وڭىردەگى ەپيدەميالىق جاعداي تۇراقتى. وبلىس «جاسىل» ايماقتا. سوڭعى ەكى اپتا ارالىعىنداعى ىندەتتىڭ انىقتالۋ دەڭگەيى 0،8 پايىزدان تومەندەپ، 0،6 پايىزدى قۇراپتى. جاعدايدىڭ تۇراقتانۋى شەكتەۋ شارالارىن جەڭىلدەتۋگە مۇمكىندىك بەرىپ وتىر.

– ايماقتاعى مەشىتتەردىڭ 30 پايىزعا دەيىن جاماعات جيناۋىنا رۇقسات ەتىلدى. ياعني، قۇلشىلىق ورىندارىندا 100 ادامنان اسپايتىن توپپەن ناماز وقۋعا بولادى. ونىڭ ىشىندە اۋىلدىق جەرلەردە جۇما نامازى وقىلادى، بىراق ادام سانى 150 كەلۋشىدەن اسپاۋى ءتيىس دەگەن تالاپ بار. ال كارانتين تالاپتارىنا سايكەس ورىن سانى ەلۋدەن اسپايتىن قوعامدىق تاماقتانۋ نىساندارى جۇمىس ىستەپ جاتىر. سونىمەن قاتار، ايالدامالار مەن قوعامدىق كولىكتەردە ازاماتتاردىڭ جاپپاي جينالۋىن بولدىرماۋ ماقساتىندا ادام سانى 250 جۇمىسشىدان اساتىن جۇمىس ورىندارىنا قىزمەتكەرلەردى تاسىمالدا ءۇشىن مەكەمەنىڭ قىزمەتتىك كولىگىن پايدالانۋ ۇسىنىلادى. جانە شتات كەستەسىندە وتىزدان اساتىن قىزمەتكەر بولسا، ولاردىڭ 50 پايىزى قاشىقتان جۇمىس ىستەۋى ءتيىس. ءبىز وسىنداي شارا ارقىلى ىندەتتىڭ تارالۋىن توقتاتا الامىز، – دەيدى وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسحات شاراپيەۆ.

ايتپاقشى، كوروناۆيرۋسپەن كۇرەسكە جاپپاي جۇمىلعان وبلىس دارىگەرلەرى تۋرالى ايتقاندا اۋىلداعى اق جەلەڭدى ابزال جانداردىڭ ەڭبەگىنە ەرەكشە توقتالۋىمىز كەرەك سياقتى. ويتكەنى، پاندەميا كەزىندە شالعايداعى ەمحانالاردىڭ مۇمكىندىگى مەن مامانداردىڭ بىلىكتىلىگى ءبىرىنشى سىنعا تۇسكەنى بەلگىلى. بۇل ەمحانالارداعى جاعداي ورتالىقتاعىداي جوعارى دەڭگەيدە بولماسا دا، ناۋقاسقا كومەك بەرۋ تۇرعىسىنان العاندا ەرلىككە بەرگىسىز ەڭبەك جاسالعانى انىق. سونداي ۇجىمنىڭ ءبىرى – تالعار اۋدانىنداعى پانفيلوۆ اۋىلىنداعى اۋرۋحانانڭ دارىگەرلەرى. ىندەتتىڭ ءبىرىنشى تولقىنىندا پروۆيزورلىق ورتالىق قىزمەتىن اتقارعان مەديتسنالىق مەكەمە قازىر ينفەكتسيالىق بولىمشە رەتىندە جۇمىسىن جالعاستىرۋدا. مۇندا 60 توسەك ورىن بار ەكەن. وسى ساتتە كورونوۆيرۋس ىندەتىنە شالدىققان 49 ناۋقاس ەم قابىلداپ جاتىر.

- ءبىزدىڭ اۋرۋحانا وسىدان ءبىر جىل بۇرىن كوروناۆيرۋس ىندەتىمەن كۇرەسۋ ماقساتىندا قايتا جاساقتالىپ، جەدەل قىزمەت كورسەتۋگە كىرىستى. دەمەك، ءبىز اۋىلداعى اۋرۋحانا رەتىندە توقتاۋسىز جۇمىس ىستەپ، جىلعا جۋىق ۋاقىت بويى قاۋىپتى ۆيرۋسپەن كۇرەسىپ كەلەمىز. بىلتىر ناۋرىز ايىنان باستاپ قىركۇيەكتىڭ ورتاسىنا دەيىن پروۆيزورلىق بولىمشە بولدىق. ودان بەرى ينفەكتسيالىق بولىمشە رەتىندە ناۋقاستاردى ەمدەۋدەمىز. بۇگىندە بولىمشەدەگى 49 ناۋقاسقا ۆيرۋستى وكپە قابىنۋ دەگەن دياگنوز قويىلىپ، ەم-شارا جاسالۋدا. ولاردىڭ اراسىندا جەتى ناۋقاستىڭ پتر تالداۋىنىڭ قورىتىندىسى وڭ ناتيجە كورسەتتى، ولار وقشاۋلانعان. ال جاعدايى اۋىر 5 ناۋقاستى اۋداندىق اۋرۋحانىڭ جانساقتاۋ بولىمىنە جونەلتتىك، - دەيدى پانفيلوۆ اۋىلدىق اۋرۋحاناسى باس دارىگەرىنىڭ ورىنباسارى زۋحرا تىلەپبەرگەنوۆا.

اۋىلداعى اۋرۋحانا دەگەن اتى بولماسا، بۇل بولىمشەدە العاشقى كومەك كورسەتۋگە قاجەتتى مەديتسينالىق قۇرال-جابدىقتىڭ بارلىعى بار. مۇندا وكپەنى جاساندى جەلدەتەتىن 3 اپپارات پەن 8 وتتەگى كوندەنساتى ىسكە قوسىلعان. ءدارى-دارمەك قورى دا جەتكىلىكتى. بولىمشەدەگى 8 بىلىكتى دارىگەر مەن 12 مەيىربيكە ادام جانىنا اراشا تۇسۋگە ارقاشان دايىن. جالپى، وسى شاعىن بولىمشەدە وتكەن مەرزىمدە 619 ناۋقاس ەمدەلىپ، ىندەتتەن قۇلان تازا ايىعىپ شىققان ەكەن.

 

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار