ايماقتار • 22 اقپان، 2021

ورالدىق وقۋشى جاڭا ويىن ويلاپ تاپتى

48 رەت كورسەتىلدى

ورال قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 9-سىنىپ وقۋشىسى اينامكوز رافيحوۆا ۇلتتىق مازمۇنداعى «زەرەك» اتتى ۇستەل ويىنىن قۇراستىرىپ شىعاردى، دەپ حابارلايدى Egemen.kz.

«زەرەك» ويىنىندا ويىنشىلار قازاق حالقىنىڭ ماقال-ماتەلدەرىن، ەرتەگى مەن جاڭىلتپاش، ىرىم-تىيىمدار مەن تۇراقتى تىركەستەردى جەتىك بىلۋىمەن سىنالادى.

ويىننىڭ قوزعالىس ءتارتىبى، ۋاقىتى، ەرەجەلەرى، ويىنشىلار سانى جانە ءتۇرلى بونۋستار جۇيەسى ويلاستىرىلعان. مۇندا بارلىعى 57 ۇياشىق، ولاردىڭ اراسىندا تۇزاق (وت جانە سۋ)، بونۋس جانە اقىلى ۇياشىقتار بار. ويىن باستالىسىمەن ءبىرىنشى ويىنشى سۇيەكتى لاقتىرىپ، ءوز قادامىن جاسايدى. ول 100 سۇراق كارتاسىنىڭ ءبىرىن تاڭداپ، وعان جاۋاپ بەرۋى قاجەت. تۇزاق ۇياشىقتارىنا ءتۇسىپ قالسا، وت ۇياشىعىنان كولتاۋىسار، ال سۋ ۇياشىعىنان جەلاياق قۇتقارا الادى. ەگەر وعان قاجەت كەيىپكەر تۇسپەسە، ويىنشى سول ۇياشىقتا قالا بەرەدى. كەرىسىنشە، وزگە ويىنشىنىڭ كەزەگى كەلگەندە 2500 (بونۋس تۇرىندەگى قاعاز بانكنوتتار) ايىپپۇل تولەپ، ءوز جولىن جالعاستىرا الادى. مارەگە كىم ءبىرىنشى جەتسە، سول جەڭىمپاز اتانادى.

«زەرەك» مازمۇنىنا «سۋرەتتەگى ماقال-ماتەلدى جالعاستىرۋ/تابۋ»، «فرازەولوگيزم، ىرىم-تىيىم ماعىناسىن اشۋ، «جاڭىلتپاشتى قايتالاۋ»، ەرتەگىلەر مەن اڭىزدار بويىنشا ەرۋديتسيانى تەكسەرۋ، جۇمباقتاردى شەشۋ سياقتى سۇراقتار كىرەدى. اۆتوردىڭ ايتۋىنشا، نارىقتا «قولتىراۋىن»، «مونوپوليا» سياقتى ورىس تىلىندەگى ۇستەل ويىندارى كوپ، بىراق، وكىنىشكە وراي، انا تىلىندە ۇلتتىق مازمۇنداعى ويىندار جوقتىڭ قاسى.

– سوڭعى ۋاقىتتا «قازاق حاندىعى» اتتى ۇستەل ويىنى پايدا بولدى. بۇل ويىن تاريحىمىزدى، قازاق ەلىندەگى باسقارۋ جۇيەسىن ويىن ارقىلى تانىستىرۋدى كوزدەگەن. كىتاپ، فيلم سەكىلدى ۇلتتىق يدەولوگيانى ناسيحاتتاۋ قۇرالى رەتىندە ۇستەل ويىنىنا دا ورىن بار دەپ ويلايمىن، – دەيدى اۆتور.

اينامكوز ويىندى اۋەلى سىنىپتاستارى اراسىندا سىناپ كورگەن. ال جۋىردا جوبانىڭ قاعاز نۇسقاسىن ورال قالاسىنداعى بالالار اۋىلى تاربيەلەنۋشىلەرىنە سىيعا تارتىپ، ويىن ءتارتىبىن ۇيرەتكەن. سونىمەن قاتار «زەرەكتىڭ» ەلەكتروندى نۇسقاسى دا دايىندالعان (https://my.flipbookpdf.net/7k2rP) .

– ۇستەل ويىنىنىڭ ادامعا تيگىزەتىن اسەرى كوپ، ونىڭ ۇستىنە ويىننىڭ ۇلتتىق مازمۇنى جاھاندانۋ كەزەڭىندە وتە ماڭىزدى دەپ ويلايمىن. ويىن شارتتارى تۋرالى قوسىمشا قۇرال دايىنداۋ جوسپاردا بار. بولاشاقتا «كوكپار»، «قىز قۋ» ۇلتتىق ويىندارىنىڭ شارتتارىنا نەگىزدەلگەن ۇلتتىق مازمۇنداعى ۇستەل ويىنىن قۇراستىرماقپىن، – دەيدى اۆتور.

اينامكوز جوبا بارىسىندا باعىت-باعدار بەرگەن جەتەكشىلەرى – قازاق ءتىلى مەن ادەبيەتى ءپانىنىڭ مۇعالىمى جانساۋلە ماقسوتوۆا پەن ونەر ءپانىنىڭ مۇعالىمى جاننا قۇلبەكوۆاعا العىس ايتادى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار