ازامات بايتەنوۆ 1987 جىلى پاۆلودار وبلىسىنىڭ ۋسپەن اۋدانىندا دۇنيەگە كەلگەن. 2009 جىلى پاۆلودار مەملەكەتتىك پەداگوگيكالىق ينستيتۋتىن «تاريح» ماماندىعى بويىنشا تامامداعان.
2012 جىلى وسى جوعارى وقۋ ورنىنان تاريح ماگيسترى دارەجەسىن الدى. ەڭبەك جولىن 2009 جىلى №3 ۋسپەن ورتا مەكتەبىندە تاريح ءپانىنىڭ مۇعالىمى بولىپ باستاعان. 2011-2012 جىلدارى پاۆلودار وبلىسى اكىمىنىڭ ءباسپاسوز قىزمەتىندە جۇمىس ىستەدى. سودان كەيىن پاۆلودار اكىمدىگىنە جۇمىسقا اۋىسىپ, وندا 2014 جىلعا دەيىن ءباسپاسوز قىزمەتىن باسقاردى.
2014 جىلى «Pavlodarnews.kz» اقپاراتتىق اگەنتتىگىنىڭ باس رەداكتورى بولدى. سول جىلى پاۆلودار قالاسى اكىمىنىڭ ءباسپاسوز قىزمەتىنىڭ باسشىسى لاۋازىمىنا ورالدى. 2015 جىلى ازامات بايتەنوۆ پاۆلودار قالاسىنىڭ ىشكى ساياسات ءبولىمى باسشىسىنىڭ ورىنباسارى بولىپ تاعايىندالدى.
2016-2019 جىلدارى پاۆلودار وبلىسى اكىمىنىڭ ءباسپاسوز قىزمەتىن باسقاردى. 2019 جىلدان 2020 جىلعا دەيىن وبلىستىڭ اقپارات جانە قوعامدىق دامۋ باسقارماسى باسشىسىنىڭ ورىنباسارى قىزمەتىن اتقاردى. 2020 جىلدىڭ ءساۋىر ايىندا «ەرتىس مەديا» جشس ديرەكتورى بولىپ تاعايىندالدى.
