كەلىپ تۇسكەن جاڭا دوزالار ءبىرىنشى كەزەڭدە ۆاكتسيناتسيالاۋ ءۇشىن بەلگىلەنگەن قالالىق ەمحانالارعا تاپسىرىلدى. اۋرۋحانالاردىڭ مەديتسينالىق قىزمەتكەرلەرىن, جەدەل-جاردەم بريگادالارىنىڭ فەلدشەرلەرىن, سۇزگى كابينەتىنىڭ قىزمەتكەرلەرىن جانە وزگەلەرىن ۆاكتسيناتسيالاۋ ارى قاراي جالعاسادى.
ءتيىستى ەكىنشى ەكپەسىن 21 كۇننەن كەيىن قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ تا الدى. ەمشارا بولمەسىنىڭ قىزمەتكەرلەرى باسقارما باسشىسىنىڭ جاعدايىن سۇراعان كەزدە دەنساۋلىعى ويداعىداي ەكەنىن جەتكىزدى.
"كىشكەنە السىزدىك بايقالدى. بىراق ۆاكتسينادان كەيىنگى مۇمكىن بولاتىن اسەرلەردەن حاباردار ەدىم. كوروناۆيرۋس جۇقتىرىپ, اۋىرىپ قالۋ قورقىنىش سەزىمى وعان قارسى ەكپە الۋدان الدەقايدا جوعارى", - دەپ اتاپ ءوتتى ت. مۇراتوۆ.
جالپى ەلوردا بويىنشا ۆاكتسيناتسيالاۋ باستالعالى بەرى 2008 ادام ەكپە الدى. جوسپاردا 5 700 ادامعا ەكپە سالدىرتۋ بار.
