«مەملەكەت باسشىسى ابدىمالىكوۆتەر وتباسىنىڭ قايعىلارىن ءبولىسىپ, قازا بولعان بالالاردىڭ اتا-اناسى مەن تۋىستارىنا جۇباتۋ لەبىزىن ءبىلدىردى. پرەزيدەنت بۇل جاعدايدى ءبىر عانا وتباسىنىڭ ەمەس, بۇكىل ەلىمىزدىڭ باسىنا تۇسكەن تراگەديا دەپ سانايدى. ول بالالاردىڭ اتا-انالارىنا جان-جاقتى كومەك كورسەتۋدى تاپسىردى. مەملەكەت باسشىسىنىڭ كوڭىل ايتۋ جەدەلحاتىن جامبىل وبلىسىنىڭ اكىمى بەردىبەك ساپارباەۆ جەتكىزدى», دەپ جازدى ب. ءۋالي.
ەسكە سالا كەتەيىك, كەشە جامبىل وبلىسىندا قايعىلى جاعداي ورىن الدى. سارىسۋ اۋدانىنىڭ ورتالىعى جاڭاتاس قالاسىنىڭ 2-ىقشاماۋدانىنداعى 5 قاباتتى تۇرعىن ءۇيدىڭ 3-ءشى قاباتىنان ءورت شىعىپ, 16 شارشى مەتر اۋماقتى شارپىدى.
پاتەر ىشىندە اتا-اناسىنىڭ قاراۋىنسىز كامەلەت جاسىنا تولماعان 2015, 2016, 2017, 2019 جانە 2020 جىلى تۋعان بەس بالا قالىپ قويعان. بەلگىلى بولعانىنداي, بالالاردىڭ اكەسى جۇمىستا بولعان, ال اناسى دۇكەنگە شىعىپ كەتكەن. ءورت سالدارىنان بەس بالا دا تۇتىنگە ۋلانىپ, جەدەل تۇردە اۋرۋحاناعا جەتكىزىلدى. وكىنىشكە قاراي, اراعا ءبىراز ۋاقىت سالىپ, ءبارى دە كوز جۇمعان.
بۇگىن جاڭاتاس قالاسىندا ورىن العان جانتۇرشىگەرلىك وقيعانىڭ سەبەپتەرى انىقتالدى. قالاداعى تۇرعىن ۇيدەن شىققان ءورت وقيعاسى تەز تۇتانعىش ماتەريالدىڭ بەتىنە اشىق وت كوزىنىڭ ءتۇسۋى سالدارىنان تۋىنداعان.
