الماتى وبلىسىندا جاۋىن-شاشىن بولادى, كەي جەرلەردە قاتتى جاۋىن-شاشىن (جاڭبىر, قار) كۇتىلەدى. سونداي-اق تۇمان, جاياۋ بۇرقاسىن, كوكتايعاق بولجانادى. وڭتۇستىك-باتىستان سوعاتىن جەل سولتۇستىك-باتىسقا اۋىسىپ, ەكپىنى 23-28 م/س جەتۋى ىقتيمال. كۇندىز اۋا تەمپەراتۋراسى 11-16, كەي جەرلەردە 1-6 گرادۋس جىلىدان 5-10 گرادۋس ايازعا دەيىن تومەندەيدى. جامبىل وبلىسىندا جاۋىن-شاشىن, كەي جەرلەردە قاتتى جاۋىن-شاشىن (جاڭبىر, قار) جاۋادى. سونىمەن قاتار, تۇمان, جاياۋ بۇرقاسىن, كوكتايعاق كۇتىلەدى.
وڭتۇستىك-باتىستان سوعاتىن جەل سولتۇستىك-باتىسقا اۋىسىپ, ەكپىنى 30 م/س جانە ودان جوعارى كوتەرىلۋى مۇمكىن. كۇندىز اۋا تەمپەراتۋراسى 20-25, كەي جەرلەردە 10-15, سولتۇستىكتە 1-6 گرادۋس جىلىدان 5-10 گرادۋس ايازعا دەيىن تومەندەۋى مۇمكىن. تۇركىستان وبلىسىنىڭ تاۋلى ايماقتاردا قاتتى قار جاۋادى. كەي جەرلەردە تۇمان, كوكتايعاق كۇتىلەدى.
وڭتۇستىك-باتىستان سوعاتىن جەلدىڭ كۇشى كەي جەرلەردە 15-20 م/س, تاۋلى ايماقتاردا 30 م/س جانە ودان جوعارى بولاتىنى بولجانادى. كۇندىز اۋا تەمپەراتۋراسى 21-26, كەي جەرلەردە 11-16 گرادۋس جىلىدان 0-5 گرادۋس ايازعا دەيىن تومەندەۋى ىقتيمال.
قىزىلوردا, باتىس قازاقستان وبلىستارىنىڭ كەي جەرلەرىندە تۇمان كۇتىلەدى. اقتوبە وبلىسىنىڭ كەي جەرلەرىندە تۇمان, جاياۋ بۇرقاسىن بولادى. وڭتۇستىك-باتىستان, باتىستان جەل سوعادى, كۇندىز كەي جەرلەرىندە ەكپىنى 18 م/س ارتادى. قوستاناي وبلىسىنىڭ كەي جەرلەرىندە جاياۋ بۇرقاسىن, تۇمان كۇتىلەدى. وڭتۇستىك-باتىستان جەل سوعادى, كۇشى كۇندىز كەي جەرلەردە 15-20 م/س جەتەدى. كۇندىز سولتۇستىك قازاقستان وبلىسىنىڭ كەي جەرلەردە جاياۋ بۇرقاسىن كۇتىلەدى.
وڭتۇستىك-باتىستان جەل سوعادى, كۇندىز كۇشى كەي جەرلەردە 15-20 م/س ارتادى. شىعىس قازاقستان وبلىسىندا قار, كەي جەرلەردە قاتتى قار جاۋادى. سونداي-اق بۇرقاسىن, كوكتايعاق كۇتىلەدى.
وڭتۇستىك-باتىستان سوعاتىن جەل سولتۇستىك-شىعىسقا اۋىسادى, كۇشى كەي جەرلەردە 15-20 م/س, 23-28 م/س ارتادى. اۋا تەمپەراتۋراسى 2-7 گرادۋس جىلى, كەي جەرلەردە 2-7 گرادۋس ايازدان 20-25 گرادۋس ايازعا دەيىن كۇرت تومەندەيدى.
سونداي-اق سينوپتيكتەرتۇركىستان مەن جامبىل وبلىستارىندا قاتتى جاۋىن-شاشىننىڭ بولجامىنا بايلانىستى 20 اقپاندا تاۋ بوكتەرلەرىندە سۋ اعىنى بولىپ, وزەندەر ارنالارىنان اساتىنىن ەسكەرتۋدە.
