الەم • 19 اقپان، 2021

تەحاس شتاتىندا اۋا رايى كۇرت سۋىتىپ، 37 ادام كوز جۇمدى

2565 رەت كورسەتىلدى

اقش-تا اۋا رايىنىڭ كۇرت ناشارلاۋىنان تەحاس ايماعى ءبىرشاما زارداپ شەگىپ وتىر، دەپ حابارلايدى Egemen.kz

بۇگىندە تەحاستىقتار ازىق-ت ۇلىك الۋ ءۇشىن ۇزىن سونار كەزەكتە تۇرادى. جەرگىلىكتى اقپارات كوزدەرى حابارلاعانداي، اۋا رايىنىڭ كۇرت سۋىتۋىنان جانە قالىڭ قاردىڭ اسەرىنەن 7 ملن-عا جۋىق ادام تۇششى سۋعا ءزارۋ بولىپ وتىر. نەگە دەسەڭىز، ۇيلەردە قۇبىرلار جارىلىپ، كوشەلەردە ءبارى قاتىپ قالعان.

وكىنىشكە قاراي، شتات بويىنشا 37 ادامنىڭ ءبىرازى ۇسىكتەن، ەندى ءبىرى جىلىنۋ كەزىندە كومىرتەگى توتىعىمەن ۋلانىپ قايتىس بولعان.

وسىعان بايلانىستى اقش پرەزيدەنتى دجو بايدەن تەحاستا توتەنشە جاعداي جاريالادى.قاتتى اياز بەن مۇزدانۋدان جىلۋ مەن ەلەكتر ستانسالارى ىستەن شىققان. ەكى ميلليونعا جۋىق تۇرعىن ەلەكتر قۋاتى مەن جىلۋسىز وتىر. باسىم كوپشىلىگى كولىكتەرىندە تۇنەپ ءجۇر.

حيۋستون قالاسىنىڭ مەرى سيلۆەستر تەرنەر ءوزىنىڭ Twitter پاراقشاسىندا اۋرۋحانا قىزمەتكەرلەرى مەن شتاتتىڭ باسقا تۇرعىندارى قاجەت سۋدى ۇنەمدەۋدى سۇرادى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار