كەزدەسۋدە ءوڭىر ەكولوگياسىن جاقسارتۋعا بايلانىستى بەلگىلەنگەن جوسپارلاردى ءتيىمدى ىسكە اسىرۋدىڭ ماڭىزى تالقىعا ءتۇستى.
ء«بىزدى ايماقتاعى ەكولوگيالىق جاعداي الاڭداتادى. اتىراۋ ەلىمىزدىڭ ەڭ لاستانعان قالالارىنىڭ قاتارىنا كىرەدى. ارينە, بۇل جاعدايدى جاقسارتۋ قاجەت. بۇل ماڭىزدى جۇمىستا بەلسەندى ازاماتتار تاراپىنان قولداۋ, كومەك قاجەت. مەن قاشاندا سىندارلى ديالوگقا اشىقپىن» دەدى ماعزۇم مىرزاعاليەۆ.
ءمينيستردىڭ مالىمەتىنشە, اتىراۋ وبلىسىنىڭ ەكولوگيالىق پروبلەماسىن شەشۋ ءۇشىن 40 ءىس-شارادان تۇراتىن جول كارتاسى ازىرلەندى. وندا جاڭا كارىزدىك تازارتۋ كەشەندەرىن سالۋ, ەسكىلەرىن قالپىنا كەلتىرۋ, «ساسىق ساي» مەن «شارشى» بۋلانۋ الاڭدارىن رەكۋلتيۆاتسيالاۋ, جايىق وزەنىنىڭ باسسەينىن كوگالداندىرۋ, تازارتۋ, ساۋىقتىرۋ سەكىلدى ماڭىزدى ءىس-شارالار بار.
ء«بىز اتىراۋدىڭ ەكولوگتارىمەن, قوعام وكىلدەرىمەن بىرنەشە رەت كەزدەستىك. كەزدەسۋلەرىمىزدىڭ ناتيجەسى – جول كارتاسىن قابىلداۋ. جاڭا ەكولوگيالىق كودەكس تە وسى باعىتتا پەرسپەكتيۆالى مۇمكىندىكتەر اشاتىنىن اتاپ وتكىم كەلەدى. ەڭ ماڭىزدىسى, كودەكس ءىرى لاستاۋشى كاسىپورىنداردىڭ الەۋمەتتىك جاۋاپكەرشىلىگىن ارتتىرۋعا مۇمكىندىك بەرەدى», - دەدى مينيستر.
ونىڭ پىكىرىنە سۇيەنسەك, قازىر 1-ساناتقا جاتاتىن كاسىپورىندار ەڭ وزىق قولجەتىمدى تەحنولوگيالاردى ەنگىزۋگە دايىندىق شارالارىن باستادى. دەمەك, بولاشاقتا اتموسفەراعا لاستاۋشى زاتتاردىڭ شىعارىندىلارى ايتارلىقتاي ازايادى.
سونداي-اق, مينيستر اتىراۋدا ءوڭىردىڭ ەكولوگيالىق پروبلەمالارىن تىركەيتىن فرونت-وفيس اشۋدى ۇسىندى.
