جول قۇرىلىسىنا قولدانىلعان ماتەريالداردان 2199 سىناما الىندى. ولاردىڭ 1 مىڭعا جۋىعىنىڭ ساپاسى تالاپقا ساي ەمەس, دەپ حابارلايدى «جاۇسو» رمك ءباسپاسوز قىزمەتى.
رەسپۋبليكالىق ماڭىزداعى جولداردا 217 رەت باقىلاۋ ءجۇرىپ, 13 نىسان تەكسەرىلدى. الىنعان 168 سىنامانىڭ 9-ى تالاپتارعا ساي كەلمەي شىقتى. بۇدان بولەك 128 ءارتۇرلى اقاۋلىقتار تابىلدى. ولاردى جويۋ ءۇشىن مەردىگەر مەكەمەلەر مەن ولاردىڭ قىزمەتىنە تاپسىرىس بەرۋشى اكىمدىك بولىمدەرىنە 27 رەت قىزمەتتىك حات جازىلدى.
جەرگىلىكتى ماڭىزداعى جولداردا 109 رەت باقىلاۋ رەيدى جاسالىپ, 16 نىسان تەكسەرىلدى. جول ينجەنەرلەرى العان 1089 سىنامانىڭ 393-ءى ءنورماتيۆتى تەحنيكالىق قۇجاتتار تالاپتارىنا ساي كەلمەي شىقتى. سونداي-اق بۇل جولداردان 31 اقاۋلىق تابىلدى. ءتيىستى ورىندارعا 26 رەت حات جولداندى.
قالاىشىلىك, اۋدانىشىلىك جانە اۋىلىشىلىك كولىك جولدارىندا 21 رەت تەكسەرۋ جۇرگىزىلىپ, 17 نىساننان بارلىعى 501 سىناما الىندى. ونىڭ 90-ى تالاپقا ساي ەمەس. جاۋاپتى تۇلعالارعا 71 قىزمەتتىك حات جىبەرىلىپ, كەمشىلىك تابىلعان جەرلەر كورسەتىلدى.
جالپى ماڭعىستاۋ وبلىسىندا اۆتوموبيل جولدارىنىڭ جالپى ۇزىندىعى 2948 شاقىرىمدى قۇرايدى. ونىڭ ىشىندە رەسپۋبليكالىق ماڭىزداعىسى - 1020 شاقىرىم, 1928 شاقىرىم جولدار - وبلىستىق جانە جەرگىلىكتى ماڭىزعا يە.
