بۇل باعىتتاعى جۇمىستاردى جۇزەگە اسىرۋ ءۇشىن شىمكەنت قالاسىنىڭ دەنساۋلىق ساقتاۋ باسقارماسى مەن Medical Nomad Association ورتالىق ازياداعى دەنساۋلىق پەن مادەنيەتتى دامىتۋ جونىندەگى شۆەيتساريا قاۋىمداستىعىنىڭ وكىلدەرى اراسىندا كەلىسىم جاسالدى.
كەلىسىم اياسىندا قالاداعى مەملەكەتتىك مەديتسينالىق ۇيىمدارداعى دارىگەرلەر ەۋروپا ەلدەرىندە ءبىلىمىن جەتىلدىرەدى جانە مەديتسينالىق ءتۋريزمدى دامىتۋ بويىنشا جۇمىس جۇرگىزىلەتىن بولادى.
دەنساۋلىق ساقتاۋ باسقارماسىنىڭ باسشىسى باقىتجان پوزيلوۆتىڭ ايتۋىنشا, قالادا ءار ءتۇرلى ماماندىق بويىنشا 4169 دارىگەر بار, ولاردىڭ بىرقاتارى بۇگىنگە دەيىن شەت مەملەكەتتە بىلىكتىلىگىن ارتتىرعان ەكەن. جوعارىدا جاسالعان كەلىسىم نەگىزىندە بيىلعى جىلى 21 دارىگەر شەت ەلگە وقۋعا جىبەرىلەتىن بولادى دەيدى.
دارىگەرلەر نەيروحيرۋرگيا, جالپى حيرۋرگيا, وفتالمالوگيا, وتولورينگولوگيا سالاسى بويىنشا بىلىكتىلىگىن ارتتىرادى. ەۋروپا ەلدەرىنە باراتىن ماماندارعا قويىلاتىن تالاپ اعىلشىن تىلىندە ەركىن سويلەۋى قاجەت دەيدى باسقارما ماماندارى.
سونداي-اق اتالعان كومپانيا ءوز قاراجاتىنان ءتۋريزمدى دامىتۋ ءۇشىن دارىگەرلەردى شۆەيتساريادا وقىتۋدى جوسپارلاپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
