ايماقتار • 19 اقپان، 2021

قازاقستاننىڭ توتەنشە جاعدايلار ءمينيسترى جۇمىس ساپارىمەن باتىس قازاقستان وبلىسىندا بولدى

126 رەت كورسەتىلدى

قازاقستان رەسپۋبليكاسى توتەنشە جاعدايلار ءمينيسترى يۋري يلين ەكى كۇندىك جۇمىس ساپارىمەن باتىس قازاقستان وبلىسىندا بولدى دەپ حابارلايدى Egemen.kz

مينيستر العاشقى كۇنى ءوڭىر باسشىسى عالي ەسقاليەۆپەن بىرگە «ورالاگرورەمماش» زاۋىتىنداعى ءورت سوندىرگىش اۆتوموبيل تەحنيكاسىن شىعاراتىن تسەحتى ارالاپ كورىپ، وسىندا جاسالاتىن اۆتوتسيستەرنالار، سىيىمدى-قۇيۋ تەحنيكاسى، ءورت ءسوندىرۋ تەحنيكاسى، تەز تۇرعىزىلاتىن عيماراتتارعا ارنالعان مەتالل كونسترۋكتسيالارىمەن تانىستى.

بۇدان كەيىن باتىس قازاقستان وبلىسى توتەنشە جاعدايلار دەپارتامەنتىنىڭ داعدارىس ورتالىعىندا جەدەل جاعداي جانە سۋ تاسقىنى كەزەڭىنە دايىندىق ماسەلەلەرى بويىنشا وبلىس اۋماعىندا ورنالاسقان تجد اۋماقتىق بولىمشەلەرىمەن كەڭەس وتكىزىلدى.

1

جۇمىس ساپارىنىڭ ەكىنشى كۇنى مينيستر اقساي قالاسىنداعى مودۋلدىك ءورت ءسوندىرۋ ءبولىمىنىڭ قۇرىلىسىن تەكسەردى. سونداي-اق باتىس قازاقستان وبلىسى اكىمىنىڭ ورىنباسارى مۇحتار مانكەەۆپەن بىرگە ءوڭىردىڭ بىرنەشە ەلدىمەكەندەرىن ارالادى. اتالعان ەلدىمەكەندەردىڭ اۋماعىندا ءورت قاۋىپسىزدىگى سالاسىن دامىتۋ ءۇشىن ءورت دەپولارىن سالۋ جانە جوندەۋ جۇمىستارىن جۇرگىزۋ قاجەتتىلىگى بار. وسى ماسەلەلەرگە قاتىستى جەرگىلىكتى اتقارۋشى مەملەكەتتىك ورگاندارعا بىرقاتار ناقتى تاپسىرما بەرىلدى.

ءبورلى اۋدانى تەحنوگەندىك سيپاتتاعى سەيسميكالىق قاۋىپتى اۋماق سانالادى. سوندىقتان اۋماقتا بولۋى مۇمكىن اۋقىمدى تەحنوگەندىك توتەنشە جاعدايلارعا دەن قويۋ جانە ونىڭ سالدارىن جويۋ بويىنشا باسقارۋ ورگاندارى، ازاماتتىق قورعاۋ اۆاريالىق-قۇتقارۋ قىزمەتتەرى بەيقام بولماۋى كەرەك. وسى ساپاردا يۋري يلين جانە حالىقارالىق ازاماتتىق قورعانىس ۇيىمىنىڭ وكىلدەرى «قازاۆياقۇتقارۋ» تجم اۆياتسيالىق بولىمشەسىنىڭ مي-8 تىكۇشاعىمەن رەسپۋبليكالىق جەدەل-قۇتقارۋ جاساعىنىڭ قۇتقارۋشىلارىنىڭ وقۋ-جاتتىعۋىن باقىلادى. جاتتىعۋ بارىسىندا ارنايى قۇرىلعىلارمەن قۇتقارۋشىلار مەن زارداپ شەككەندەردى ءتۇسىرۋ جانە قابىلداۋ جانە تج بولجاناتىن اۋداننان زارداپ شەككەندەردى ەۆاكۋاتسيالاۋ بويىنشا تاسىلدەر پىسىقتالدى. 

بۇدان كەيىن يۋري ءيليننىڭ توراعالىعىمەن وتكەن جۇمىس كەڭەسىنە باتىس قازاقستان وبلىسى اكىمىنىڭ ورىنباسارى مۇحتار مانكەەۆ، باتىس قازاقستان وبلىسى تجد باستىعى جاسۇلان جۇماشەۆ، حالىقارالىق ازاماتتىق قورعانىس ۇيىمى باس حاتشىسىنىڭ ورىنباسارى اندرەي كۋدينوۆ، حاقۇ حالىقارالىق دەپارتامەنتىنىڭ ديرەكتورى سالتانات تاشماتوۆا، حاقۇ ورتالىق ازيا ءوڭىرى ەلدەرىندەگى وكىلى جانۇزاق توكۋشەۆ جانە وبلىس اۋماعىندا جۇمىس ىستەيتىن ءىرى شەتەلدىك مۇناي-گاز كومپانيالارىنىڭ باسشىلارى قاتىستى.

كەڭەس بارىسىندا قازاقستاننىڭ باتىسىندا – مۇناي-گاز سالاسىنىڭ الەۋەتتى-قاۋىپتى نىساندارى شوعىرلانعان جەرىندە حالىقارالىق ازاماتتىق قورعانىس ۇيىمىمەن بىرلەسىپ حالىقارالىق وڭىرلىك ترەنينگ-ورتالىعىن قۇرۋ سەكىلدى بىرقاتار وزەكتى ماسەلە قارالدى.

حالىقارالىق ازاماتتىق قورعانىس ۇيىمىنىڭ قۇرامىندا قازىرگى تاڭدا 59 ەل مۇشە بولسا، 16 مەملەكەت باقىلاۋشى ستاتۋسىندا ەكەن. ۇيىمنىڭ ماقساتى اپات كەزىندە حالىقتى قورعاۋ مەن كومەك كورسەتۋ، سونداي-اق دۇلەي جانە انتروپوگەندىك اپاتتار جاعدايىندا م ۇلىك پەن قورشاعان ورتانى قورعاۋدى قامتاماسىز ەتەتىن قۇرىلىمدار قۇرۋعا جاردەمدەسۋ. ۇيىمعا قاتىسۋشى ەلدەردىڭ ازاماتتىق قورعانىس قىزمەتتەرى بىرىگە قيمىلداپ، تۇرعىندار ءۇشىن وقۋ جانە اقپاراتتىق باعدارلامالاردى ازىرلەيدى.

- ەكى كۇندىك ساپارىنىڭ قورىتىندىسىندا مينيستر يۋري يلين توتەنشە جاعدايلار بويىنشا حالىقارالىق وڭىرلىك ترەنينگ-ورتالىعىن قۇرۋدىڭ ماڭىزدىلىعىن ەرەكشە اتاپ ءوتتى، دەيدى باتىس قازاقستان وبلىستىق توتەنشە جاعدايلار دەپارتامەنتىنىڭ ءباسپاسوز حاتشىسى باكيزات ماعزەنوۆا.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار