قازاقستان • 18 اقپان، 2021

​قازاقستاندا جانۋارلارعا قاتىگەزدىك كورسەتكەنى ءۇشىن ايىپپۇل كوبەيەدى

8 رەت كورسەتىلدى

قازاقستاندا جانۋارلارعا قاتىگەزدىك كورسەتكەنى ءۇشىن ايىپپۇلدى 2000 اەك-كە دەيىن ۇلعايتۋ ۇسىنىلدى، دەپ حابارلايدى Egemen.kz

قر ەكولوگيا، گەولوگيا جانە تابيعي رەسۋرستار مينيسترلىگى وتكەن جىلدىڭ جەلتوقسان ايىندا «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىن قر پارلامەنتى ءماجىلىسىنىڭ قاراۋىنا ەنگىزدى. قۇجاتتا جانۋارلارعا جاۋاپكەرشىلىكپەن قاراۋدى جانە ولارعا ادامگەرشىلىكپەن قاراۋدى قالىپتاستىرۋعا باعىتتالعان نورمالار بار.

زاڭ جوباسى قابىلدانعاننان كەيىن جانۋارلاردى مادەني-ويىن-ساۋىق، ويىن-ساۋىق، كورسەتۋ ماقساتىندا پايدالانۋ كەزىندە، سونداي-اق عىلىمي زەرتتەۋلەر، بيولوگيالىق تەستىلەۋ، وقۋ پروتسەسى جانە مەديتسينالىق ماقساتتاردا پايدالانىلاتىن ەكسپەريمەنتتىك جانۋارلاردى كۇتىپ-باعۋ مەن وسىرۋگە قويىلاتىن تالاپتار كۇشەيتىلەتىن بولادى.

بۇدان باسقا، قوعام بەلسەندىلەرى قولدانىستاعى زاڭناماعا جانۋارلارعا جاراقات كەلتىرۋدى جانە مەرتىكتىرۋدى، ولاردى جانسىزداندىرۋدى، جانۋارلاردى سويۋعا تىيىم سالۋدى، سونداي-اق ولارعا قاتىگەزدىكپەن قاراۋدى ناسيحاتتاۋدىڭ وزگە دە نىساندارىن ناسيحاتتايتىن باسپا، دىبىس-بەينە ونىمدەرىن كورسەتۋگە، تاراتۋعا تىيىم سالۋ جونىندەگى نورمالاردى قوسۋ تۋرالى قوسىمشا ۇسىنىس ەنگىزۋدى جوسپارلاپ وتىر.

سونداي-اق، مۇددەلى مەملەكەتتىك ورگاندار جانۋارلارعا قاتىگەزدىك كورسەتكەنى ءۇشىن ايىپپۇلدى 2000 اەك-كە دەيىن ۇلعايتۋدى نەمەسە ەكى جىلعا دەيىنگى مەرزىمگە باس بوستاندىعىن شەكتەۋ تۇرىندە جازا تاعايىنداۋدى ۇسىنادى. ول ءۇشىن قىلمىستىق كودەكستىڭ 316-بابىنا وزگەرىستەر ەنگىزۋ تالاپ ەتىلەدى.

سونىمەن قاتار، اۋىل شارۋاشىلىعى جانۋارلارىن جايۋ ەرەجەلەرىن، يتتەر مەن مىسىقتاردى اسىراۋ جانە سەرۋەندەتۋ ەرەجەلەرىن، قاڭعىباس يتتەر مەن مىسىقتاردى اۋلاۋ جانە جويۋ ەرەجەلەرىن بۇزعانى ءۇشىن اكىمشىلىك كودەكستىڭ 408-بابىن قاتاڭداتۋ جولىمەن ايىپپۇلدى 20 اەك-كە دەيىن ۇلعايتۋ ۇسىنىلدى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار