«تەرەزەدە ورناتىلعان قۇرىلعى 90 سم اۋماقتاعى قوزعالىستى سەزەدى. بالا تەرەزەگە جاقىنداعان سايىن ۋلترادىبىستىق داتچيكەتەر ىسكە قوسىلىپ, ونى لەزدە جاۋىپ تاستايدى. وسىلايشا بالاقايلاردىڭ ءومىرىن ساقتاپ قالۋعا بولادى, ال تەرەزەنى قايتا اشۋ ءۇشىن ماتريتسالىق پەرنەتاقتاعا قۇپيا سان ەنگىزۋ شارت», دەيدى جوبا اۆتورىنىڭ ءبىرى ايكەن التاي.
ءار ەلدە بايقالاتىن قاۋىپسىزدىك ماسەلەسىن ارقاۋ ەتكەن زياتكەرلەر جوبانى ينفورماتيكا ءپانى مۇعالىمى اقزات قاۋىسوۆا جانە فيزيكا ءپانى مۇعالىمى ميرات وسپانوۆتىڭ جەتەشىلىگىمەن جاسادى. ولاردىڭ ايتۋىنشا, «اقىلدى» تەرەزە تەك كوپقاباتتى ۇيلەردە عانا ەمەس, مەكتەپ جانە بالاباقشا ءۇشىن دە قولايلى.
«جاز ايى باستالعاندا بالالاردىڭ تەرەزەدەن قۇلاپ كەتۋ دەرەگى كوپ تىركەلەدى. ءبىر جىلدان استام ۋاقىت بۇرىن يدەيانى ىسكە اسىرۋ جولىن ىزدەدىك. ال «اقىلدى» تەرەزەنى ءبىر ايدا جاسادىق. ءدال وسى جوبا ەلىمىزدە جوق. وقۋشىلار اۆتورلىق قۇقىقتى يەلەندى», دەپ ءبولىستى جوبا جەتەكشىلەرى.
ونەرتاپقىشتار اۆتوماتتاندىرىلعان جۇيەلى جوباعا الداعى ۋاقىتتا تولىقتىرۋلار ەنگىزىپ, پاتەنت الۋدى كوزدەيدى.
