ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتى مەن زاڭناما جانە سوت-قۇقىقتىق رەفورما كوميتەتىنىڭ دەپۋتاتتارى باس پروكۋراتۋرانىڭ «اكىمشىلىك ءوندىرىستىڭ بىرىڭعاي ءتىزىلىمى», «تەكسەرۋ سۋبەكتىلەرى جانە وبەكتىلەرىنىڭ بىرىڭعاي ءتىزىلىمى», «ەلەكتروندىق وتىنىشتەر» جانە ت. ب. تسيفرلىق جوبالارى ۇسىنىلدى.
ءىس-شارا بارىسىندا باس پروكۋروردىڭ ورىنباسارى م.احمەتجانوۆ قۇقىق قورعاۋ سالاسىنداعى تسيفرلاندىرۋ جايىن كەڭىنەن باياندادى. جالپى ايتقاندا, جوبالاردى ەنگىزۋ سىبايلاس جەمقورلىق تاۋەكەلدەرىن جويۋعا, مەملەكەتتىك ورگاندار قىزمەتىنىڭ اشىقتىعىن, جەدەلدىگىن, سونداي-اق مەملەكەتتىك باقىلاۋ مەن قاداعالاۋدىڭ ساپاسىن ارتتىرۋعا باعىتتالعان.
اتاپ ايتقاندا, «تەكسەرۋ سۋبەكتىلەرى جانە وبەكتىلەرىنىڭ بىرىڭعاي ءتىزىلىمى» جۇيەسىن 60-تان استام مەملەكەتتىك ورگاندار پايدالانادى. جۇيە كاسىپكەرلەردى باقىلاۋشىلار تاراپىنان نەگىزسىز قىسىمنان قورعاۋدىڭ نەگىزگى قۇرالدارىنىڭ ءبىرى بولىپ سانالادى. ءدال وسى ارقىلى كاسىپكەرلەر تەكسەرۋشىلەردىڭ ارەكەتتەرىنىڭ زاڭدىلىعىن تەكسەرۋگە مۇمكىندىك الادى. ۇسىنىلعان جوبالاردى باعالاي وتىرىپ, ءماجىلىس دەپۋتاتتارى ازاماتتاردىڭ, سونداي-اق بيزنەس سۋبەكتىلەرىنىڭ قۇقىقتارى مەن زاڭدى مۇددەلەرىن قورعاۋ ءۇشىن ولاردىڭ ماڭىزدىلىعىن اتاپ ءوتتى.
- ءبىز ءۇشىن ساپالى زاڭداردى ازىرلەۋ مەن قابىلداۋ عانا اسا ماڭىزدى ەمەس. ءبىز ءۇشىن قابىلدانعان زاڭداردىڭ قالاي جۇمىس ىستەيتىنى جانە تيىمدىلىگى ماڭىزدى. سونىمەن قاتار ازاماتتاردى قورعاۋ, مەملەكەتتىك ورگانداردىڭ كەلىپ تۇسەتىن وتىنىشتەرىن ساپالى قاراۋ, كاسىپكەرلىكتى دامىتۋ ماسەلەلەرى ءاردايىم ءماجىلىس دەپۋتاتتارىنىڭ باقىلاۋىندا. مەملەكەت باسشىسى بۇعان زور كوڭىل ءبولىپ, الدىمىزعا ءتيىستى زاڭنامالىق مىندەتتەردى جۇكتەدى. وسى باعىتتا بىرقاتار زاڭدار قابىلدانىپ, ءماجىلىس دەپۋتاتتارى بۇگىندە زاڭنامانى جەتىلدىرۋ جۇمىستارىن جالعاستىرۋدا, - دەدى ءماجىلىس توراعاسىنىڭ ورىنباسارى پاۆەل كازانتسەۆ.
