جيىنعا قاتىسۋ ءۇشىن تارازعا بارلىق وڭىرلىك قولباسشىلىقتاردىڭ ءتۇرلى اسكەري بولىمدەرىنىڭ اسكەري قىزمەتشىلەرى, سونداي-اق قۇرلىق اسكەرلەرى اسكەري ينستيتۋتىنىڭ وكىلدەرى كەلدى.
بۇدان بولەك, العاش رەت ۇشقىشسىز ۇشۋ اپپاراتتارى ماماندارىنىڭ جيىندارىن وتكىزۋگە ارتيللەريا بولىمدەرىنىڭ وكىلدەرى قاتىسپاق. ارتيللەرياشىلاردىڭ جۇمىسىندا ۇۇا-نى قولدانۋ ارتيللەريانىڭ اتىسىن باعىتتاۋ جانە تۇزەتۋ تيىمدىلىگىن ەداۋىر ارتتىرادى.
– ارتيللەريا بارلاۋىندا درونداردى قولدانۋ ۇلكەن قاشىقتىقتا جاۋدىڭ ورنالاسقان جەرىن انىقتاۋعا جانە بەكىتۋگە, ارتيللەريالىق وعىن ءتيىمدى باسقارۋعا جانە رەتتەۋگە مۇمكىندىك بەرەدى, - دەدى ارتيللەريا باتارەياسىنىڭ سەرجانتى, ءۇشىنشى دارەجەلى سەرجانت ستانيسلاۆ دانيەل. – وقۋ-جاتتىعۋ جيىندارىندا درونداردى باسقارۋدى ۇيرەنۋ جانە بولاشاقتا ولاردى ءبىزدىڭ جۇمىسىمىزدا ءوز بەتىنشە قولدانۋ مۇمكىندىگى پايدا بولدى.
جيىندى وتكىزۋ كەزىندە ۇيىمداستىرۋشىلار ىرىكتەۋ ءادىسىن قولداندى. ەگەر باستاپقىدا جيىندارعا قاتىسۋعا 40-تان استام اسكەري قىزمەتشى كەلسە, وندا ءبىرىنشى كەزەڭنەن كەيىن اسكەري قىزمەتشىلەردىڭ ءبىر بولىگى ىرىكتەلىپ الىنىپ, دروندارمەن جۇمىستى ودان ءارى ۇيرەنۋگە تەك 30 اسكەري قىزمەتشى جىبەرىلدى.
– جيىنداردى وتكىزۋ ارقىلى ءبىز ۇشقىشسىز ۇشۋ اپپاراتتارى وپەراتورلارىنىڭ كاسىبي ماماندار قاتارىن تولىقتىرامىز, ولار ءوز ماقساتتارى بويىنشا مىندەتتەردى ورىنداي الاتىن بولادى, – دەپ ارنايى وپەراتسيالار كۇشتەرى دەپارتامەنتىنىڭ وفيتسەر-نۇسقاۋشىسى مايور دامير چوناەۆ اتاپ ءوتتى. – ۇشقىشسىز ۇشۋ اپپاراتتارىن قولدانۋ اياسىن كەڭەيتۋ وسىنداي جيىنداردى وتكىزۋ قاجەتتىلىگىن كورسەتەدى جانە ۇۇا-مەن جۇمىس ىستەۋگە اسكەري قىزمەتشىلەردىڭ ارتۋى ۇيرەتۋ قاجەتتىلىگىن تۋىنداتادى.
