قىتايدىڭ تيانتسزين قالاسىندا وتكەن جارىستا بيىكتىككە سەكىرۋ سايىسىنىڭ فينالىندا بىردەن ءتورت سپورتشى 187 سم ناتيجەگە قول جەتكىزدى, الايدا 190 سم بيىكتىكتەن اسا المادى.
التىن جۇلدە وزبەكستان وكىلى ۆالەريا گورباتوۆاعا بۇيىردى. 184 سم بيىكتىكتى تەك ءۇشىنشى مۇمكىندىگىندە عانا باعىندىرعان دۋبوۆيتسكايا ءۇندىستان سپورتشىسى پۋدجا سينگحپەن بىرگە ەكىنشى ورىندى ءبولىستى. قىتايلىق ليۋ تسزياۆەن جۇلدەدەن تىس قالدى.
قازاقستاننىڭ تاعى ءبىر وكىلى كريستينا وۆچيننيكوۆا 180 سم ناتيجەمەن جەتىنشى ورىنعا تۇراقتادى.
دۋبوۆيتسكايانىڭ مەدالى – 2026 جىلعى ازيا چەمپيوناتىندا قازاقستان قۇراماسىنىڭ قورجىنىنا تۇسكەن بەسىنشى جۇلدە.
التىن مەدالدى سونداي-اق كوپسايىسشى الينا چيستياكوۆا مەن 3000 مەترگە جۇگىرۋدە نورا دجەرۋتو جەڭىپ الدى.
ايتا كەتەيىك, قىتايدىڭ تيانتسزين قالاسىندا ءوتىپ جاتقان جابىق كەشەندەگى ازيا چەمپيوناتىنا 24 ەلدەن كەلگەن سپورتشىلار قاتىسىپ, جەڭىل اتلەتيكانىڭ 26 ءتۇرى بويىنشا جۇلدەلەردى ساراپقا سالىپ جاتىر.
وليمپيادا: قازاقستان سپورتشىلارىنىڭ 8 اقپانداعى جارىس كەستەسى قانداي؟
