الماتى قالاسىنىڭ جول قوزعالىسىن جانە جولاۋشىلار كولىگىن ۇيىمداستىرۋ باسقارماسىنىڭ وكىلدەرى نەگىزگى وزگەرىستەر نازارباەۆ داڭعىلى – گوگول كوشەسى, ابىلاي حان داڭعىلى – گوگول كوشەسى, دوستىق داڭعىلى – اباي داڭعىلى, سەيفۋللين داڭعىلى – ماقاتاەۆ كوشەسى, اباي داڭعىلى – التىنسارين داڭعىلىندا ەنگىزىلگەنىن مالىمدەدى.
6 اقپاندا پيلوتتىق رەجيمدە نازارباەۆ داڭعىلى مەن گوگول كوشەسىنىڭ, سونداي-اق ابىلاي حان داڭعىلى مەن گوگول كوشەسىنىڭ قيىلىستارىندا جاڭارتىلعان قوزعالىس سىزباسى ەنگىزىلدى. قالعان ۋچاسكەلەردەگى وزگەرىستەردى 15 اقپانعا دەيىن ىسكە اسىرۋ جوسپارلانىپ وتىر.
باعدارشام نىساندارىنىڭ جۇمىسىن تۇزەتۋ الماتى قالاسىنىڭ جول قوزعالىسىن جانە جولاۋشىلار كولىگىن ۇيىمداستىرۋ باسقارماسى مەن اكىمشىلىك پوليتسيا باسقارماسى بىرلەسىپ جۇرگىزدى. پيلوتتىق جوبا اياسىندا جۇرگىنشىلەردىڭ قاۋىپسىزدىگىن ارتتىرىپ, كولىك قوزعالىسىن جەڭىلدەتۋگە باعىتتالعان قوسىمشا باعدارشام فازاسى ەنگىزىلدى.
وزگەرىستەر قوزعالىستى وڭتايلاندىرۋ, اپاتتىق تاۋەكەلدىڭ قاۋپىن ازايتۋ ماقساتىندا ەڭ كوپ جۇكتەمەسى بار قيىلىستاردا ەنگىزىلەدى.
ايتا كەتەيىك, بۇعان دەيىن الماتىدا ينكليۋزيۆتى سپورتتى دامىتۋدى كوزدەيتىن جاڭا سپورت ورتالىعىنىڭ قۇرىلىسى باستالعانىن جازعان ەدىك.
