پارلامەنت ءماجىلىسىنىڭ دەپۋتاتتارى, كونستيتۋتسيالىق كوميسسيا مۇشەلەرى, قوعام بەلسەندىلەرى, اكادەميكتەر مەن جەتەكشى عالىمدار قاتىسقان باسقوسۋدا جاڭا كونستيتۋتسيا جوباسى اياسىندا عىلىم, ءبىلىم, ادامي كاپيتال جانە يننوۆاتسيانى مەملەكەت دامۋىنىڭ ستراتەگيالىق وزەگىنە اينالدىرۋ ماسەلەسى سارالاندى. اسىرەسە قازىرگى زامانعى سىن-قاتەرلەر جاعدايىندا كونستيتۋتسيالىق نورمالاردى جاڭارتۋ مەملەكەت دامۋىنداعى تاريحي كەزەڭ ەكەنى ايتىلدى.
ءىس-شارانى جۇرگىزگەن پرەزيدەنت جانىنداعى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ كونستيتۋتسيا جوباسىندا ادامي كاپيتالدى, عىلىم مەن يننوۆاتسيالاردى دامىتۋ, العاش رەت مەملەكەت قىزمەتىنىڭ ستراتەگيالىق باعىتى رەتىندە انىقتالىپ وتىرعانىن, جاڭا كونستيتۋتسيالىق مودەل – ەلدىڭ بولاشاعىنا باعىت-باعدار بەرەتىن دامۋدىڭ زياتكەرلىك كارتاسى بولاتىنىن اتاپ ءوتتى.
تالقىلاۋ اياسىندا ءماجىلىس دەپۋتاتى ايدوس سارىم كونستيتۋتسيالىق جاڭعىرۋدىڭ ءمانىن قوعامنىڭ ناقتى سۇرانىستارىمەن, سونىڭ ىشىندە ءبىلىم, عىلىم جانە يننوۆاتسيانى دامىتۋ مىندەتتەرى تۇرعىسىنان زەردەلەۋ قاجەتتىگىن, رەفورمانىڭ اشىقتىعى مەن قوعامدىق تالقىلاۋىن كۇشەيتۋ ارقىلى عىلىمي قاۋىمداستىقتىڭ, ساراپشىلاردىڭ ءۇنىن ەستۋگە مۇمكىندىك بەرۋ – عىلىمعا نەگىزدەلگەن ساياساتتىڭ ماڭىزدى العىشارتى ەكەنىن جەتكىزدى.
ءماجىلىس دەپۋتاتى جاناربەك ءاشىمجان كونستيتۋتسيالىق رەفورمالار قوعامنىڭ ۇزاق مەرزىمدى دامۋ مۇددەلەرىمەن, سونىڭ ىشىندە ءبىلىم مەن عىلىم سالالارىنىڭ ستراتەگيالىق رولىمەن ۇندەس ەكەنىن ايتسا, ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجان كونستيتۋتسيالىق جاڭعىرۋدىڭ مازمۇنىن ءتىل ساياساتىنىڭ ستراتەگيالىق ماڭىزىن, سونىڭ ىشىندە مەملەكەتتىك ءتىلدىڭ عىلىم, ءبىلىم جانە قوعامدىق كوممۋنيكاتسيا كەڭىستىگىندەگى رولىمەن ساباقتاستىرا پىكىر ءبىلدىردى.
ءادىل ەڭبەك, قاۋىپسىز جۇمىس, لايىقتى جالاقى: ماكسيم روجين جاڭا كونستيتۋتسيانىڭ ماڭىزدى تۇسىن اتادى
جيىندا عالىمدار ادامي كاپيتالدى دامىتۋ مەملەكەتتىڭ ستراتەگيالىق تۇراقتىلىعى مەن وركەندەۋىنىڭ باستى تىرەگى ەكەنىن, وسىعان وراي عىلىمي قاۋىمداستىق جاۋاپكەرشىلىكتى ءجىتى سەزىنىپ, كونستيتۋتسيالىق رەفورمالار بويىنشا ءتۇسىندىرۋ جۇمىستارىنا بەلسەندى ءۇن قوساتىندارىن اتاپ ءوتتى.
كونستيتۋتسيالىق كوميسسيادا جاڭا اتا زاڭدى بۇكىلحالىقتىق رەفەرەندۋمعا شىعارۋ ۇسىنىلدى
اقىلبەك كۇرىشباەۆتىڭ ايتۋىنشا, الەۋمەتتىك جەلىلەردە كەيبىر ازاماتتار كونستيتۋتسيا جوباسى ءماتىنىن مۇقيات وقىماي, سوڭىنا دەيىن تۇسىنبەي ءارتۇرلى نەگىزسىز اقپاراتتار تاراتىپ جاتىر.
«وسى جاعدايدى ەسكەرە وتىرىپ, ەلىمىزگە ەڭبەگى سىڭگەن كورنەكتى عالىمدار, ونىڭ ىشىندە قازاقستاننىڭ ەڭبەك ەرلەرى بار اكادەميكتەر كونستيتۋتسيالىق رەفورمالارعا قاتىستى ءوز ۇستانىمىن اشىق ءبىلدىرىپ, قوعامدىق پىكىرگە ءۇن قوسۋدى ۇيعاردىق», دەگەن اكادەميا باسشىسى عىلىمي قاۋىمداستىقتىڭ ۇندەۋىن جەتكىزدى.
