تجد باستىعىنىڭ ورىنباسارى ازاماتتىق قورعاۋ پولكوۆنيگى ا.ورىمباەۆ قويىلعان ماقساتتار مەن مىندەتتەردى اتاپ ءوتىپ, ءورت قاۋىپسىزدىگى ايلىعىن ۇيىمداستىرۋ بويىنشا نۇسقاۋلىق وتكىزدى.
جىلىتۋ ماۋسىمى ءالى جالعاسۋدا, سوندىقتان ءورت سوندىرۋشىلەر تاعى دا جەكە سەكتور تۇرعىندارىنا ءۇي پەشتەرىن, ەلەكتر جابدىقتارىن پايدالانۋ كەزىندە ءورت قاۋىپسىزدىگى ەرەجەلەرىن ساقتاۋ تۋرالى, ۋلى گازبەن ۋلانۋدان قالاي ساقتانۋ كەرەكتىگىن ەسكە سالۋدى شەشتى.
تجد قىزمەتكەرلەرى بيىلعى جىلى ءورتتىڭ 16% - عا وسكەنىن, سالدارىنان 6 ادام قازا بولعانىن اتاپ ءوتتى. 2 ازامات ءورت شىقپاستان تۇنشىقتىرعىش گازدىڭ قۇربانى بولدى. ەڭ ءورت قاۋىپتى وبەكتىلەر رەتىندە - جەكە تۇرعىن ۇيلەر جانە شارۋاشىلىق قۇرىلىستار بولىپ تابىلادى. سوندىقتان قۇتقارۋشىلاردىڭ ەرەكشە نازارىندا كوپبالالى وتباسىلار, قارت دارمەنسىز ادامدار, الەۋمەتتىك جاعدايى تومەن ازاماتتار تۇراتىن ۇيلەر قالادى, ولاردىڭ بارلىعى مەملەكەتتىك ۇيىمدار تاراپىنان قولداۋدى تالاپ ەتەدى.
وسى ماقساتتا قوستاناي-2 شاعىن اۋدانىنىڭ تۇرعىندارىنا وبلىس تج دەپارتامەنتىنىڭ قىزمەتكەرلەرى رەيد جۇرگىزدى. ءىس-شاراعا قر ءىىم ش.قابىلباەۆ اتىنداعى اكادەمياسىنىڭ قىزمەتكەرلەرى, جەرگىلىكتى پوليتسيا قىزمەتى, جاستار ۇيىمدارىنىڭ وكىلدەرى مەن ەرىكتىلەر قاتىستى. ولار تۇرمىستىق سەكتور تۇرعىندارىن جىلىتۋ قۇرالدارىمەن جۇمىس ىستەۋ كەزىندە ءورت قاۋىپسىزدىگى ەرەجەلەرىن ساقتاۋعا, وتپەن جۇمىس كەزىندە اباي بولۋعا شاقىردى.
بۇل كۇنى وبلىستىق تجد كۇشىمەن قۇرىلعان 9 ءموبيلدى توپ 9 كوشەنى ارالاپ, 235 ۇيدە جانە جەكە اۋلالاردا بولدى, 820 ازاماتقا نۇسقاۋ بەردى, 700-دەن استام ۇگىت ماتەريالدارىن تاراتتى.
سونىمەن قاتار, قوستاناي قالاسى اكىمدىگىنىڭ قولداۋىمەن 10 ۇيگە ۋلى گاز دابىلقاققىشتارى ورناتىلدى. كوپبالالى وتباسىلار تۇراتىن 3 ۇيدە تۇتىندىكتەردى كۇيەدەن تەگىن تازارتۋ بويىنشا قىزمەت كورسەتىلدى.
ءوز كەزەگىندە اپاتتار مەديتسيناسى ورتالىعىنىڭ قىزمەتكەرلەرى قوستاناي-2 تۇرعىندارىنا مەديتسينالىق بەتپەردەلەردى تاراتۋ بويىنشا قايىرىمدىلىق اكتسياسىن ۇيىمداستىردى. داۋىس زورايتقىش ارقىلى ولار حالىقتى كوروناۆيرۋستىق ينفەكتسيانىڭ الدىن-الۋ شارالارىن ساقتاۋعا شاقىردى.
بۇل سوڭعى رەيد ەمەس, قۇتقارۋشىلار ءالى دە جىلىتۋ ماۋسىمىنىڭ سوڭىنا دەيىن جەكە سەكتور تۇرعىندارىمەن نۇسقاۋلىقتار وتكىزەتىن بولادى.
